Fréttir

Á árinu 2013 býður Norræni blaðamannaskólinn í Árósum, NJC, íslenskum og öðrum norrænum blaðamönnum upp á þrjú stór og spennandi námskeið. Íslenskir blaðamenn geta sótt um styrk til endurmenntunarsjóðs BÍ til að dekka hluta kostnaðar. Námskeiðin sem nú hafa verið auglýst eru þessi:   NJC meningarnámskeið: Snjallsímar og spjaldtölvur eru verkfæri sem meningarblaðamenn framtíðarinnar munu í vaxandi mæli reiða sig á. Nýjungar menningarlífsins gera fyrst vart við sig í slíkum gáttum og birtast með breyttum hætti í hinu menningarlega almannarými. Þetta verður meðal umföllunarefna á þessu námskeiði sem fer fram í London 8.-12. apríl. Umsóknarfrestur er til 1. febrúar. Sjá meira hér. ??   Hið “heita” Norður-Íshafssvæði: ? Augur heimsins beinastnú að norðurskautinu vegna loftslagsbreytinga þar sem ísinn bráðnar hraðar en menn áttu von á. Þetta námskeið fjallar um staðreyndir og kenningar um þetta mikilvæga mál og fer námskeiðið fram í Tromsö og Svalbarða 26. maí – 2. júní. Umsóknarfrestur er til 1. febrúar. Sjá meira hér. ?? Aðalkúrs Árósaskólans: Frá Íslandi til Bandaríkjanna Sex vikna námskeið á ferðalagi. Árósar í Danmörku (3 vikur), Ísland (1 vika), New York og Washington (1 vika), St. Petersburg og Florida (1 vika). Þema námskeiðsins er “hlutverk Norðurlanda í nýrri heimsskipan”. Samhliða verða kynnt til sögunnar aðferðir við að nota hin nýju verkfæri sem blaðamönnum stendur til boða að nýta við vinnu sína með nýrri tækni. Námskeiðið hefst 2. September 2013 og skráningarfrestur er til 4. apríl. Sjá meira hér. ? Sjá einnig hér

Frestur til að skila inn tilnefningum til Blaðamannaverðlauna fyrir árið 2012 er til kl 12:00 mánudaginn 11. febrúar 2013.  Tilnefningar  ásamt fylgigögnum skulu annað hvort berast til skrifstofu Blaðamannafélagsins, Síðumúla 23, Reykjavík  eða vera skilað rafrænt á sérstöku tilnefningarformi sem finna má með því að smella á hnappinn "Tilnefnið hér" , sem er hér til hliðar. Í samræmi við samþykkt síðasta aðalfundar hefur verðlaunaflokkum verið fjölgað úr þremur í fjóra og hefur flokkurinn "Viðtal ársins" nú bæst við en fyrir voru verðlaunaflokkarnir "Blaðamannaverðlaun ársins"; "Rannsóknarblaðamennska ársins"; og "Besta umfjöllun árins". Í greinargerð með tillögu stjórnar fyrir aðalfund sagði meðal annars um tilefni þessarar breytingar að  næstum áratugs reynsla er nú komin á Blaðamannaverðlaun B.Í. Fram hafi komið hjá talsmönnum dómnefndar í gegnum árin að skynsamlegt kynni að vera að bæta við einum eða tveimur verðlaunaflokkum til þess að verðlaunin næðu til fjölbreyttari flóru blaðamennsku á Íslandi. Síðan segir í greinargerðinni:  " Þegar þessi mál hefur borið á góma hefur það jafnan verið ótti við að verðlaunaflokkum fjöldi of mikið. Vissulega má til sanns vegar færa að brýnt sé varlega í að fjölga flokkum. Of margir flokkar geta gengisfellt verðlaunin og gert þau ómarkvissari. Hins vegar er stjórn BÍ sammála því áliti talsmanna dómnefndar í gegnum árin að óhætt væri að fjölga um einn.  Í ljósi þess að þeir flokkar sem nú þegar er verðlaunað fyrir byggja að verulegu leyti á fréttatengdu efni, er mikilvægt að draga fram það sem vel er gert í annars konar blaðamennsku. Því er gerð tillaga um að bæta við aðeins einum flokki, “Viðtal ársins”."

Alþjóðasamband blaðamanna (IFJ) sakaði nú um áramótin  bæði ríkisstjórnir þjóðríkja og Sameinuðu þjóðirnar um að hafa brugðst þeirri skyldu sinni að vernda rétt blaðamanna til lífs við störf sín, en árið 2012 var það eitthvert það blóðugasta fyrir fjölmiðlafólk sem um getur. Alls var 121 starfsmaður fjölmiðla drepinn á árinu í beinum árásum á þá eða þegar þeir lentu í skothríð milli stríðandi fylkinga. “Þessi skelfilega háa tala fallinna er til marks um það hvernir ríkisstjórnir segjast í orði vilja vernda blaðamenn við störf sín en hafa kefisbundið brugðist í því að koma í veg fyrir slátrun þeirra,” segir Jim Boumelha forseti IFJ. “Það kemur því e.t.v. ekki á óvart að þessar óhugnalega háu tölur um dauðsföll blaðamanna, eru að verða viðvarandi einkenni á umliðnum arum og einu viðbrögð ríkisstjórna og Sameinuðu þjóðanna hafa verið nokkuð fordæmingarorð, málamyndarannsókn og síðan er látið eins og þetta komi þeim ekki við,” segir Boumelha ennfremur. Eins og fyrr greinir týndi á nýliðnu ári 121 blaðamaður lífi í beinum árásum á þá eða vegna þess að þeir lentu í skothríð stríðandi fylkinga, en sambærileg tala fyrir árið 2011 – sem var metár – var 107. Til viðbóar þessu dóu um 30 vegna veikinda eða slysa sem tengjast störfum þeirra.  Sjá lista yfir þá sem létust við störf sín hér

Mikill meirihluti blaðamanna (tæp 89%) sem vinna á þeim fjórum landsdekkandi blöðum í Noregi sem útgáfufyrirtækið Schibsted á og rekur, telja að sparnaðaraðgerðir sem fyrirtækið hefur gripið til muni koma illa við gæði blaðamennsku á viðkomandi miðlum. Norski Blaðamaðurinn gerði könnun á viðhorfum rúmlega 600 blaðamanna á Schibsted blöðunum Aftenposten, Bergens Tidende, Stavanger Aftenblad og Fædrelandsvennen til sparnaðaraðgerðanna og útfærslu þeirra og kom fram nokkur munum á viðhorfum blaðamanna eftir blöðum, en almennt voru blaðamenn ósáttir við hvernig að sparnaðinum var staðið og margir hafa litla tiltrú á framtíðarrekstri blaða sinni, þó vissulega séu líka margir þokkalega bjartsýnir. Hér má sjá niðurstöður könnunarinnar

WikiLeaks mun birta um eina milljón skjala á komandi ári og munu þessi skjöl snerta öll lönd í heiminum, samkvæmt því sem Julian Assange sagði í jólaræðu sem hann hélt á svölum sendiráðs Ecuador í London í rétt fyrir jól. Ræðan var haldin í tilefni af því að halft ár er liðið frá því að hann leitaði hælis í sendiráðinu til að forðast framsal til Svíþjóðar þar sem hans bíða ákærur vegna kynferðisglæpa. Assange sagði um 100 fagnandi stuðningsmönnum að þrátt fyrir að hann hafi verið nánast hálft árið 2012 í stofufangelsi, þá hafi þetta verið “stórt ár” þar sem leyndarhjúp hafi verið aflétt af fjölmörgum málum á WikiLeaks m.a. sem snertu Sýrland og fleiri lönd. “Á næsta ári verður annríkið ekki minna. WikiLeaks hefur nú þegar meira en eina milljón skjala sem verið er að undirbúa til birtingar, skjöl sem snerta sérhvert land í heiminum – öll lönd í þessum heimi,” sagði Assange undir fagnaarlátum stuðningsmanna. Sjá meira hér

Press.is óskar blaðamönnum um land allt og öðrum lesendum gleðilegrar jólahátíðar!

Út er komið á vefnum 2. tbl. áttunda árgangs 2012 vefritsins Stjórnmál og stjórnsýsla: http://www.stjornmalogstjornsysla.is/ ??Í ritinu eru 19 greinar, þar af sautján ritrýndar greinar og tvær greinar almenns eðlis auk 9 bókadóma. Greinarnar eru ugglaust margar áhugaverðar fyrir blaðamenn, en þær eru aðgengilegar á vef tímaritsins, en beinir tenglar á greinarnar fylgja hér fyrir neðan. Greinarnar eru eftir fræðimenn við Háskóla Íslands, Háskólann á Akureyri, Háskólann í Reykjavík og Háskólann á Bifröst auk fræðimanna í tveimur erlendum háskólum og úr stjórnsýslunni.  ??Stjórnmál og stjórnsýsla-vefrit- 2. tbl. 8. árgangur 2012: ?   Fræðigreinar í 2. tbl. 2012  og tengill á útdrætti:  ?1.   The left-right dimension in the minds of Icelandic voters. Hulda Þórisdóttir, lektor HÍ.   2.   Hvað voru kjósendur að hugsa.? Forsetakosningarnar 2012.  Gunnar Helgi Kristinsson prófessor HÍ, Indriði H. Indriðason associate professor, University of California,  Viktor Orri Valgarðsson meistaranemi HÍ. 3.   F-word or Blueprint for Institutional Reform? European Integration and the Continued Relevance of Federalism. Maximilian Conrad, lektor HÍ and Freyja Steingrímsdóttir BA. 4.   Akademískt frelsi. Guðmundur Heiðar Frímannsson, prófessor HA. 5.  Samfélagslegt hlutverk háskóla.Trausti Þorsteinsson lektor, Sigurður Kristinsson prófessor og  Hjördís Sigursteinsdóttir sérfræðingur hjá RHA. 6.  Staða og þróun rafrænnar stjórnsýsluStaða og þróun rafrænnar stjórnsýslu á Íslandi skv. alþjóðlegum mælingum. Dr. Haukur Arnþórsson og Ómar H Kristmundsson prófessor HÍ.   7.  Umræðuvettvangur íslenskra dagblaða með hliðsjón af greiningarramma Colin Sparks.Birgir Guðmundsson, dósent HA.         8.  Þekkingarmiðlun í stjórnsýslu sveitarfélaga. Hildur Ösp Gylfadóttir MS og Ingi Rúnar Eðvarðsson, prófessor HÍ. 9.  The Icelandic media’s coverageof the constitutional assembly elecions.  Guðbjörg Hildur Kolbeins, dr í fjölmiðlafræði.   10.  Áhrif niðurskurðar á starfshvata og innbyrðis þekkingarmiðlun heilsugæsluhjúkrunarfræðinga        Emilía Jarþrúður Einarsdóttir meistaranemi, Ingi Rúnar Eðvarðsson,  prófessor HÍ og Sigríður Halldórsdóttir prófessor HA.   11.        Faroe Islands‘  Security Policy in a process of Devolution. Beinta frá Jákupsstovu, associate professor Molde University College og Regin Berg . 12.  Efling sveitarstjórnarstigsins.  Áherslur, hugmyndir og aðgerðir. Grétar Þór Eyþórsson, prófessor HA. 13.  Er álið málið? Samfélagsbreytingar og atvinnumöguleikar kvenna á Austurlandi. Tinna Kristbjörg Halldórsdóttir  MA og Guðbjörg Linda Rafnsdóttir, prófessor HÍ.   14. Will you still need me, will you still feed me? Old-age pensions in Iceland from a gender perspective Steinunn Rögnvaldsdóttir, MA and Gyða Margrét Pétursdóttir, aðjúnkt HÍ.   15. Towards a Better Understanding of Climate Change Negotiations. Bryndís Arndal Woods doktorsnemi, Daði Már Kristófersson dósent HÍ, Silja Bára Ómarsdóttir, aðjúnkt HÍ.   16. Skipulag íslenskra fyrirtækja 2004-2007. Einar Svansson, lektor Háskólanum á Bifröst og Runólfur Smári Steinþórsson prófessor HÍ. 17.  Vulnerability of pension funds balances. Ólafur Ísleifsson, lektor HR. Almennar greinar ? ?1.  Ráðskast með stjórnarskrá  Gunnar Helgi Kristinsson prófessor við Stjórnmálafræðideild HÍ 2.  Jöfnuður á Íslandi 1991-2007. Hannes Hólmsteinn Gissurarson, prófessor við Stjórnmálafræðideild H Bókadómar Hér er tengill á útdrætti bókadóma