Blaðamannafélagið á og rekur fjögur orlofshús á þremur stöðum á landinu sem ætluð eru félagsmönnum. Þessi hús eru staðsett á Akureyri, Stykkishólmi og í Brekkuskógi. Að auki geta félagsmenn fengið afslátt á flugmiðum með Icelandair, afslátt af hótelgistingu, útilegukortinu og veiðikortinu.
Brekkuskógur:
Í Brekkuskógi á Blaðamannafélagið 2 orlofshús, Stóru- og Litlu- Brekku. Í húsunum eru tvö svefnherbergi auk þess sem gestahúss fylgir Stóru–Brekku. Í húsunum eru ein stór stofa með eldhúskrók og baðherbergi með sturtu. Svefnpláss er fyrir 9 auk smábarnarúms í Stóru – Brekku, en fyrir 5 auk smábarnarúms í Litlu-Brekku. Öll venjuleg heimilstæki og gasgrill fylgja bústöðunum. Í báðum bústöðunum eru heitir pottar. Hér má sjá kort og hnit staðsetningar húsanna í Brekkuskógi.
Akureyri:
Blaðamannafélagið á íbúð að Seljahlíð 3c á Akureyri. Um er að ræða lítið raðhús sem er stofa og tvö svefnherbergi. Í hjónaherberginu er tvíbreitt stórt rúm, auk smábarnarúms og í hinu herberginu er tvíbreitt rúm. Raðhúsið er búið öllum helstu nútímaþægindum, þvottavél, sjónvarpi, nettengingu og síma og þar er sérverönd með gasgrilli og útihúsgögnum.
Stykkishólmur:
Blaðamannafélagið býður einnig upp á orlofshús að Arnarborg 6 í útjaðri Stykkishólms. Um er að ræða glæsilegt hús sem byggt var árið 2006. Húsið er 105 fermetrar að stærð með þremur svefnherberjum og svefnlofti. Samanlagt er svefnpláss í húsinu fyrir 10-12 manns. Húsinu fylgir verönd og pottur, auk alls sem tilheyrir nútíma heimilishaldi.
Bókun orlofshúsa fer í gegnum orlofshúsavefinn Frímann. Þar má einnig finna nánari upplýsingar um húsin og bókunarstöðu.
Hér eru leiðbeiningar um umgengni og frágang orlofshúsa.
Umsjónarmenn orlofshúsa BÍ:
Akureyri: Bragi s. 896 8456
Brekkuskógur: Hjördís s 844 4626
Stykkshólmur: Agnar s. 893 7050
Félögum gefst kostur á að kaupa tvenns konar afsláttarmiða hjá Icelandair: 30 þúsund króna inneign/gjafakort sem greitt er fyrir 22 þúsund krónur eða 12 þúsund króna inneign sem greitt er fyrir 8.800 krónur. Hver félagsmaður má kaupa 4 afsláttarmiða á ári. Inneignin er keypt í gegnum orlofsvef, undir flipanum kort og miðar.
Félögum gefst kostur á að kaupa gistingu á afslætti á hóteli og gistiheimilum víða um landið. Nánari upplýsingar á orlofsvef undir flipanum ferðaávísanir.
Félögum gefst kostur á að kaupa veiðikortið með afslætti. Félagsmenn greiða kr. 5.500 (fullt verð er 9.900). Kortið er keypt í gegnum orlofsvef, undir flipanum kort og miðar.