Menningarsjóður
Menningarsjóður BÍ er sjóður í vörslu BÍ sem greiðir styrki til félagsmanna. Einungis þau sem greiða í sjóðinn eiga rétt á greiðslum úr honum. Sjóðurinn er elsti sjóður í vörslu BÍ og starfar samkvæmt forsetabréfi. Í sjóðinn renna tekjur af höfundaréttargjöldum sem Blaðamannafélagið innheimtir fyrir blaðamannastéttina í heild sinni. Auk þess greiða vinnuveitendur svokallað menningarsjóðgjald í sjóðinn sem nemur 1,2% af launum félaga í BÍ. Stærsti styrkurinn sem Menningarsjóður veitir er svokallaður menningarsjóðsstyrkur sem félagsmönnum gefst kostur á að sækja um þegar þeir eiga rétt á þriggja mánaða leyfi.
Menningarsjóðsstyrkur (vegna þriggja mánaða leyfis)
Fastráðnir félagar sem greiða iðgjöld í menningarsjóð eiga rétt á að sækja um styrk úr sjóðnum þegar þeir eiga rétt á 3ja mánaða leyfi, samkvæmt kjarasamningum BÍ. Sækja þarf formlega um og styrkinn og er umsóknareyðublað að finna hér. Styrkur árið 2024 er 425 þús. fyrir félagsmenn sem hafa styttri en 18 ára starfsaldur og 560 þús. fyrir eldri félaga.