Sonja Diego 1936– (Sonja Diego 1936– )

Sonja fæddist í Reykjavík 7. október. Foreldrar hennar voru Friðrik A. Diego skrifstofumaður og kona hans Svanfrid Diego. Sonja varð stúdent frá Menntaskólanum í Reykjavík 1955 og hóf nám í Háskóla Íslands ári síðar. Lauk hún BA-prófi í ensku og frönsku 1958.

Sonja hóf feril sinn í blaðamennsku hjá Morgunblaðinu 1964 og var samþykkt inn í Blaðamannafélagið í mars 1965. Hún réðst síðan sem fréttamaður hjá Ríkisútvarpinu um 1970 þar sem hún starfaði sem fréttamaður í erlendum fréttum og sem dagskrárgerðarmaður og fréttalesari í Sjónvarpinu til haustsins 1979 er hún varð aðstoðarritstjóri Iceland Review. Hún var einnig mikilvirkur þýðandi erlends sjónvarpsefnis og hélt áfram að lesa fréttir í sjónvarpinu allt til ársbyrjunar 1986 er hún sneri sér alfarið að rekstri eigin þýðingarfyrirtækis enda annáluð tungumálamanneskja.

https://timarit.is/files/13237513