Atvinnuauglýsingar

Fréttamaður á fréttastofu Stöðvar 2, Vísis og Bylgjunnar

Fréttamaður

Fréttastofa Stöðvar 2, Vísis og Bylgjunnar leitar að öflugum fréttamanni til að ganga til liðs við fréttastofuna og starfa þvert á miðla; í sjónvarpi, á vef og í útvarpi. Um er að ræða 100% starf í vaktavinnu.

Á fréttastofunni starfar samhentur hópur fólks sem hefur mikinn áhuga á málefnum líðandi stundar og metnað fyrir vönduðum fréttaflutningi. Fréttir eru unnar í fjölbreyttri framleiðslu sem einkennist af frumkvæði, sköpunarkrafti og áræðni. Um er að ræða 100% starf sem unnið er í vaktavinnu.

Menntunar- og hæfniskörfur:

  • Brennandi áhugi á fréttum og þekking á samfélaginu
  • Reynsla af blaða- og fréttamennsku er æskileg
  • Mjög gott vald á íslenskri tungu, bæði í ræðu og riti
  • Geta til að vinna hratt og örugglega undir álagi
  • Hæfni í mannlegum samskiptum og öryggi í framkomu

Sagðar eru fréttir á Bylgjunni á klukkustundarfresti yfir daginn, kvöldfréttir Stöðvar 2 eru á sínum stað alla daga ársins og allar fréttir birtast á sívakandi Vísi. Málin eru krufin í umræðuþættinum Pallborðinu og með fréttaskýringum í Íslandi í dag og í Kompás.

Við hvetjum áhugasama af öllum kynjum til að sækja um starfið. Umsóknarfrestur er til og með 4. febrúar nk. Nánari upplýsingar veitir Erla Björg Gunnarsdóttir, ritstjóri í gegnum netfangið erlabjorg@stod2.is.

Einungis er tekið á móti umsóknum í gegnum ráðningavef Sýnar.

Fríðindi í starfi skv. auglýsingu

  • Frábærir vinnufélagar
  • Framúrskarandi vinnuaðstaða
  • Spennandi verkefni
  • Möguleikar á starfsþróun
  • Internet- og farsímaáskrift auk sérkjara af sjónvarpsþjónustu
  • Árlegur heilsustyrk
  • Símtækjastyrkur
  • Samgöngustyrkur fyrir þá sem nýta sér vistvæna ferðamáta til og frá vinnu
  • Öflugt starfsmannafélag og frábæra vinnustaðamenningu

Sækja um starf

 Dagskrárþulur á Rás 1

Dagskrárþulur á Rás 1


Rás 1 leitar að dagskrárþul með góða rödd og næma tilfinningu fyrir íslensku máli. Dagskrárþulur kynnir alla dagskrárliði Rásar 1 í beinni útsendingu alla virka daga.

 
Helstu verkefni og ábyrgð
  • Kynning á dagskrá Rásar 1 og gerð útsendingarlista stöðvarinnar.
  • Val á tónlist og öðru efni úr safni til uppfyllingar á milli dagskrárliða.
  • Þátttaka í mótun dagskrárstefnu Rásar 1 og kynning dagskrár.
  • Vinna tónlistartengt dagskrárefni.
 
Menntunar- og hæfniskröfur
  • Háskólamenntun sem nýtist í starfi.
  • Umtalsverð tónlistarþekking og áhugi á dagskrá Rásar 1.
  • Mjög gott vald á íslensku og góð tungumálaþekking.
  • Góð framsögn.
  • Góð þekking á helstu tölvuforritum og hæfni til að tileinka sér ný kerfi hljóðvinnslu og útsendingar.
  • Góð samstarfs- og samskiptahæfni.
  • Sjálfstæði, frumkvæði og lausnamiðuð hugsun.
 
Nánari upplýsingar veitir Fanney Birna Jónsdóttir, dagskrárstjóri Rásar 1 (fanney.birna.jonsdottir@ruv.is).
 
Stefna RÚV er að þar sé fjölbreyttur starfshópur.
Við hvetjum áhugasöm til að sækja um óháð aldri, kyni, uppruna eða fötlun.
 
Umsóknum ásamt ferilskrá skal skilað rafrænt á ráðningarvef RÚV með því að smella hér að neðan:

Sækja um starf

 

 Blaðamaður á 200 mílur

Blaðamaður

Árvakur, sem rekur meðal annars Morgunblaðið, mbl.is og K100, leitar að kraftmiklum og metnaðarfullum blaðamanni í fullt starf til að ganga til liðs við 200 mílur, sem er hluti af öflugri viðskiptaritstjórn.

 

Helstu verkefni:

• Fréttaskrif, viðtöl, greiningar og úttektir

 

Menntunar- og hæfniskröfur:

• Þekking og áhugi á sjávarútvegi og atvinnulífi

• Menntun sem nýtist í starfi

• Frumkvæði og sjálfstæð vinnubrögð

• Gott vald á íslensku og ensku, jafnt í töluðu sem rituðu máli

 

Nánari upplýsingar veitir fréttastjóri viðskipta Matthías Johannessen í síma 569 1137 eða á mj@mbl.is
Umsóknarfrestur: 01.02.2025

 

Sækja um starf

 

 Sumarstörf á fréttastofu RÚV (störf í fréttum og tækni)

Sumarstörf í fréttum og tækni

Fréttastofa RÚV flytur fréttir í útvarpi, sjónvarpi og á vefnum allan sólarhringinn, alla daga ársins og færir landsmönnum nýjustu tíðindi og fréttaskýringar af innlendum og erlendum vettvangi.

Auglýst er nú eftir sumarstarfsfólki í störf fréttafólks í Reykjavík og á Akureyri ásamt störfum í tæknihluta frétta. Um er að ræða störf í vaktavinnu í Reykjavík og starf í dagvinnu á Akureyri.

Tæknistörfin eru vaktavinnustörf í Reykjavík (störf pródúsents, línupródúsents og aðstoðarpródúsents).

Nánari upplýsingar um störfin er að finna á ráðningarvef RÚV og þar er tekið á móti umsóknum.

Hægt er að nálgast ráðningarvefinn með því að smella hér á hnappinn til hliðar.