Kristján Guðlaugsson(1906-1982)

 Kristján fæddist á Dagverðarnesi á Skarðsströnd. Kristján lauk stúdentsprófi frá Menntaskólanum í Reykjavík 1927 og lagaprófi frá Háskóla Íslands 1932. Hann stundaði síðan málflutningsstörf um langt skeið og varð hæstaréttarlögmaður 1940.  Hann lét víða að sér kveða í viðskiptalífinu, var í stjórn hjá Loftleiðum frá 1953 og síðar Flugleiðum og í blaðaútgáfu Vísis og vikublaðsins Fálkans. Kristján stundaði einnig ritstörf og ritstýrði bæði blöðum og tímaritum. Kunnastur á því sviði er hann þó sem ritstjóri Vísis á árunum 1938-1953.