Herbert Guðmundsson (1941-)

Herbert fæddist 28. janúar á Akranesi en ólst upp á Blönduósi til 1956. Foreldrar hans voru Guðmundur Sveinbjarnarson, f.v. forstöðumaður og Þorbjörg Sigurjónsdóttir, lærð saumakona og bóndi.

 Herbert lauk verslunarprófi frá VerzlunarskólaÍslands 1961, sótti ýmis námskeið í markaðsfræðum, félagsmálum og stjórnun, og stóð jafnframt fyrir slíkum námskeiðum. Herbert var skrifstofu- og fjármálastjóri Trésmiðjunnar Víðis hf. 1961–1963, rak eigin heildverslun, Vesturá hf., 1964, var sölustjóri dagblaðsins Vísis 1965, ritstjóri Íslendings á Akureyri 1966–1967 og Íslendings-Ísafoldar 1968–1969, og ritstjóri Frjálsrar verslunar 1970–1971.

 Herbert stofnaði fyrirtækið Nestor 1972 og hóf útgáfu tímaritsins Hús og híbýli, ásamt útgáfu rita um ferðaþjónustu á ýmsum tungumálum. Hann var ritstjóri Kópavogstíðinda 1978–79, blaðamaður hjá Vísi og síðan DV 1979–1987, félagsmálastjóri Verslunarráðs Íslands 1988–1997 og jafnframt framkvæmdastjóri Amerísk-íslenska verslunarráðsins.

 Herbert starfrækti jafnframt fyrirtæki sitt, Nestor, sem frá 1998 sinnti kynningarverkefnum, ráðstefnuhaldi, erindrekstri og ritstjórn handbóka. Hann ritstýrði Nafnabókinni okkar, árið 2000, um uppruna og merkingu gildra mannanafna, og Hundabókinni okkar, með upplýsingum um allar hundategundir sem þá þekktust hér á landi, 74 talsins.

https://www.mbl.is/greinasafn/grein/1583371/