Grímur Thomsen (1820-1896)

Grímur fæddist og ólst upp á Bessastöðum.Hann varð stúdent 1837 hjá sr. Árna Helgasyni, nágranna sínum í Görðum, tók lærdómspróf við Hafnarháskóla 1837-1838 og lagði síðan stund á heimspeki og bókmenntir. Hann varð mag.art. 1845 með ritgerð um Byron og  dr.phil 1854. Grímur ferðaðist talsvert um Evrópu, en varð 1848 ritari í danskautanríkisráðuneytinu og skrifstofustjóri þar frá 1859. Árið 1866 fékk hann lausn frá störfum með biðlaunum og eftirlaunum og hvarf aftur til Íslands, þar sem hann keypti Bessastaði og bjó þar frá 1868. Hann varð m.a. þingmaður og ritstjóri Ísafoldar var hann 1878-1879 í afleysingum fyrir Björn Jónsson. Hann skrifaði jafnan mikið í blöð og tímarit, svo sem Fjölni og Skýrni, og taldist í sinni tíð eitt af höfuðskáldum landsins. Um Grím segir Vilhjálmur Þ. Gíslason í riti sínum Blöð og blaðamenn 1773-1944, að því hafi verið haldið á lofti hversu afturhaldssamur hann hafi verið, en þegar öllu sé á botninn hvolft hafi Grímur þó verið „gætinn, en víðsýnn og vandaður blaðamaður, með alþjóðlega reynslu og þjóðleg sjónarmið“.