Dagur Þorleifsson (1933-)

Dagur fæddist 13. október í Breiðadal, sonur Sigríðar Þórðardóttur og Þorleifs Jóhanns Filippussonar.

  Hann lagði stund á sagn- og trúarbragðafræði, en starfaði lengst af sem blaðamaður, fyrst sem blaðamaður á Samvinnunni 1959-1966, síðan á Vikunni 1969-1972, og á Þjóðviljanum um árabil.

 Hann sérhæfði sig einkanlega í erlendum málefnum, fór m.a. á slóðir Kúrda á þeim tíma sem þeir máttu heita óþekkt þjóð og skrifaði mikið frá þeirri ferð. Hann skrifaði talsvert í lausamennsku, fékkst við þýðingar en sneri sér síðan að kennslu, bæði hjá Námsflokkum Reykjavíkur og sem stundakennar við guðfræðideild Háskóla Íslands.

 Synir Dags, Hugleikur og Þormóður hafa báðir tengst blaðamennsku, Hugleikur aðallega sem teiknari en Þormóður sem menningarblaðamaður á Morgunblaðinu um skeið. Hálfsystir þeirra. Úlfhildur, hefur einnig komið víða við í fjölmiðlum sem bókmenntafrömuður og gagnrýnandi.

https://www.visindavefur.is/svar.php?id=357

http://www.mbl.is/greinasafn/grein/627596/