Sérsamningar samþykktir samhljóða

Mynd frá atkvæðagreiðslu í húsakynnum DV

Kjarasamningar Blaðamannafélags Íslands við Sameinaða útgáfufélagið (Heimildin), Myllusetur (Viðskiptablaðið) og Fjölmiðlatorg (DV) voru samþykktir með öllum greiddum atkvæðum í atkvæðagreiðslum í gær, 19. júní.

Niðurstöðurnar hafa verið tilkynntar viðsemjendum BÍ og til Ríkissáttasemjara, sem heldur utan um gagnagrunn allra kjarasamninga.

Samningarnir byggja á grunni Stöðugleikasamningsins sem gerður var milli SA og sambanda og félaga ASÍ í mars sl. Samkvæmt samningunum taka launahækkanir gildi um mánaðarmótin og gilda afturvirkt frá 1. febrúar.

Meira um kjarasamningana hér.

Uppfært 26.6.2024: Atkvæðagreiðsla um kjarasamning BÍ við Bændasamtökin fór fram 26. júní eftir að samkomulag náðist um viðauka um styrk til blaðamanna vegna kaupa á ljósmyndabúnaði. Samningurinn var samþykktur með öllum greiddum atkvæðum.