Blaðamannaverðlaun afhent í Gerðarsafni á laugardag

Blaðamannaverðlaun Íslands og viðurkenningar í Myndir ársins, ljósmyndasamkeppni Blaðaljósmyndarafélags Íslands verða afhentar í Gerðarsafni í Kópavogi á laugardaginn, 9. mars kl 15:00. Samhliða verður opnuð sýning BLÍ Myndir ársins og verður athöfnin með svipuðu sniði og undanfarin ár. Eins og fram hefur komið hér á síðunni hefur dómnefnd Blaðamannaverðlaunanna tilnefnt tólf manns til verðlaunanna í fjórum flokkum og mun á laugardag verða tilkynnt hverjir þessara blaðamanna hljóta verðlaunin. Þetta er í tíunda sinn sem verðlaunin eru afhent. Tilnefningarnar má sjá hér