Blaðamannasambönd vara við öryggisfrumvarpi á Spáni

Alþjóðasamband blaðamanna (IFJ) og Evrópusamband blaðamanna (EFJ) hafa sent innanríkisráðherra Spánar bréf þar sem þess er farið á leit að endurskoðað verði frumvarp að nýjum öryggislögum þar í landi. Samkvæmt frumvarpinu á að banna mótmæli nálægt tilteknum mikilvægum stofnunum svo sem spænska þinginu og auk þess getur lögreglan sett upp sérstök öryggissvæði þar sem aðgangur er takmarkaður, t.d. í kringum heimili stjórnmálamanna.

Það sem blaðamannasamböndin leggja sérstaka áherslu á í bréfi sínu og lýsa þungum áhyggjum af er ákvæði sem takmarkar sérstaklega aðgang blaðamanna og ljósmyndara að svæðum eða byggingum þar sem lögreglan telur að nærvera fjölmiðlamannanna geti truflað starf við öryggisgælsu. Ákvarðanir um þetta eru látnar efir lögreglu í hverju tilviki og er viðlögð sekt fyrir bort á þessu allt að 600 þúsund evrur!

Sjá einnig hér