Auðunn Arnórsson ráðinn verkefnastjóri

Auðunn Arnórsson hefur verið ráðinn sem verkefnastjóri hjá Blaðamannafélagi Íslands. Hann mun vinna náið með formanni og stjórn og hafa umsjón með verkefnum sem stjórn leggur áherslu á hverju sinni, svo sem að aðstoða við vinnu tengdri kjaraviðræðum, hafa umsjón með viðburðum á vegum félagsins, skrifa fréttir og greinar á vef BÍ og fleira.

Auðunn hefur áralanga reynslu af blaðamennsku, fyrst fyrir Morgunblaðið en síðan Fréttablaðið og hlaut til að mynda Blaðamannaverðlaun Íslands árið 2006. 2009-2019 var hann í áratugarlöngu hléi frá blaðamennsku, starfandi fyrir Breska sendiráðið á Íslandi. Auðunn er með meistaragráður í sögu, stjórnmálafræði og Evrópufræðum og MPA í opinberri stjórnsýslu, auk IPMA-vottunar í verkefnastjórnun.