Ingvi Hrafn Jónsson (1942 - )

Ingvi er fæddur 27. júlí í Reykjavík. Foreldrar hans voru hjónin Jón Sigtryggsson, læknir og tannlæknir, stofnandi og fyrsti prófessor og deildarforseti Tannlæknadeildar Háskóla Íslands, og Jórunn (Lóa) Tynes.

 Ingvi Hrafn lauk stúdentsprófi frá Menntaskólanum í Reykjavík. Hann var sumarmaður á ritstjórn Morgunblaðsins áður en hann hélt til náms í stjórnmálafræði í háskólanum í Winconsin í í Madison, Bandaríkjunum. Að loknu námi réðst hann aftur til Morgunblaðsins, nú í erlendar fréttir.

 Eftir nokkur ár á Morgunblaðinu réðst Ingvi í að stofna fyrirtæki til að sinna markaðs-og kynningarstörfum fyrir fyritæki og stofnanir, og var að hefja þá starfsemi þegar honum bauðst að verða þingfréttamaður Ríkisútvarpsins.

 Honum var seinna boðið að verða fréttastjóri stofnunarinnar sem hann þáði og tók til starfa 1. september 1987. Talsverð átök urðu fljótlega innan stofnunarinnar í kringum störf Ingva og fór svo á endanum að honum var sagt upp störfum. Um þann atburð skrifaði Ingvi Hrafn bókina Þá flaug Hrafninn. Hann sneri sér þá alfarið að rekstri fyrirtækis síns um tíma. Seinna var hann ráðinn fréttastjóri og þáttastjóri hjá Stöð 2, seinna 365 eða þar til hann setti á laggirnar ÍNN sjónvarpsstöðina sem hann stýrði um árabil. Hann heldur enn út þætti sínum Hrafnaþingi sem kalla mátti einkennismerki hans frá ÍNN dögum hans en nú á youtube.com.

https://www.youtube.com/watch?v=qMRllHpYQzE

 https://www.facebook.com/ingvihrafn.jonsson

 https://www.visir.is/g/2016160609473