Fréttir

.Mogens Blicher Bjerregård,

EFJ spyr hvað ESB ætli að gera í aðför að fjölmiðlafresli?

Evrópusamband blaðamanna (EFJ) hefur sent Framkvæmdastjórn ESB bréf þar sem alvarlegum áhyggjum er lýst vegna husanlegra áhrifa misnotkunar á hryðjuverkalögum á frelsi fjölmiðla í Evrópu. Jafnframt lýsir EFJ því yfir að það sé tilbúið til að leggja fram formlega kvörtun vegna framkomu breskra stjórnvalda og brota þeirra á sáttmálum Evrópusambandsins. Tilefni bréfsins er að sjálfsögðu handtaka og yfirheyrslurnar yfir David Miranda, maka Glenn Greenwald blaðamanns Guardian, sem mikið hefeur skrifað upp úr gögnum um njósnir NSA í Bandaríkjunum. Það er forseti EFJ, Daninn Mogens Blicher Bjerregård, sem sendir bréfið til Viviane Reding framkvæmdastjóra fyrir dómsmál, mannréttindi og borgararétt í ESB, og spurði einfaldlega að því hvað Framkvæmdastjórnin ætlaði að gera í því að aðildarríki, einkum Bretland, brytu gróflega gegn fjölmiðlafrelsi? Sjá bréfið hér
27.08.2013
Lesa meira
Aðför að fjölmiðlafrelsinu

Aðför að fjölmiðlafrelsinu

Í leiðara DV í dag fjallar Ingibjörg Dögg Kjartansdóttir með skorinorðum hætti um þá aðför að frelsi fjölmiðlafólks og uppljóstrara sem hafa birst ótrúlega víða og með ótrúlega grófum hætti í hinum vestræna heim að undanförnu. Ingibjörg segir m.a.: „Ofsóknir gegn fréttamönnum eiga sér stað víða og þær eiga sér alls kyns birtingarmyndir. Það er ástæða til þess að hafa þungar áhyggjur af þessari þróun, líkt og ritstjórar norrænna dagblaða gera sem sendu David Cameron, forsætisráðherra Breta, bréf þess eðlis. Það er ekki ógn við lýðræðið að birta upplýsingar um ranglæti heldur þvert á móti styrkur þess. Frelsi fjölmiðla til þess að sinna hlutverki sínu er aldrei mikilvægara en þegar þeir birta upplýsingar sem eru óþægilegar ráðamönnum.“ Sjá leiðarann hér
26.08.2013
Lesa meira
Styrkja blaðamenn á Play the Game ráðstefnuna

Styrkja blaðamenn á Play the Game ráðstefnuna

Norræni blaðamannaskólinn í Árósum í Danmörku hefur ákveðið að veita um 10 styrki til blaðamanna á Norðurlöndum (utan Danmerkur)  til að fara á Play the Game ráðstefnuna í október, en þetta er í áttunda sinn sem sú ráðstefna er haldin og verður hún að þessu sinni í Árósum. Styrkupphæðin getur numið allt að 3.500 dönskum krónum eða um rúmlega 70 þúsund íslenskum krónum. Play the Game er orðin einn mikilvægasti umræðuvettvangur fyrir íþróttafréttamenn víða að úr heiminum, og þar er tekist á við íþróttafréttamennsku í víðum skilningi, bæði íþróttafréettir af vettvangi, siðræði íþrótta og efnahagslegan grunn.  Sjá nánar um styrkveitingar hér: http://www.njc.dk/nyheder/index.php?id=1310 Sjá heimasíðu ráðstefnunnar hér: http://www.playthegame.org/conferences/play-the-game-2013.html
19.08.2013
Lesa meira

Kjarninn fer af stað

Blað er brotið í fjölmiðlun með tilkomu Kjarnans sem er vikulegt fréttatímarit sem mun koma út á fimmtudagsmorgnu og verður dreyft með nýjum hætti. Appið kom inn í gær og þar er hægt að lesa kynningareintak af Kjarnanum. Fyrsta alvöru eintak Kjarnans kemur síðan út 22. ágúst en heimasíðan fer í loftið síðar í dag. Samkvæmt upplýsingum frá aðstandendum Kjarnans er hann ný tegund fjölmiðils á Íslandi sem ætlað er að sameina kosti blaðamennsku og ljósvakamiðlunar. Að sögn Þórðar Snæs Júlíussonar, ritstjóra og eins eiganda Kjarnans, verður fjölmiðillinn sjálfstæður, gagnvirkur og skemmtilegur. ,,Kjarninn leggur áherslu á dýpt og gæði. Hann ætlar að fjalla um það sem skiptir máli. Kjarninn ætlar að rannsaka og skýra málin fyrir lesendum," segir í tilkynningu Kjarnans. Hugmyndin á bakvið Kjarnann kviknaði á vordögum 2013. Fimm vinir settust þá niður saman og hófu umræður um að stofna nýja fjölmiðil á Íslandi. Fjölmiðil sem ætti engan sinn líkan hér á landi, fjölmiðil sem myndi nýta sér nýjustu tækni – og sameina helstu kosti blaðamennsku og ljósvakamiðlunar á sama stað. Í hópnum voru bræður, æskuvinir og samstarfsfélagar til margra ára segir í tilkynningu. Sannfæringin sem dreif þá áfram var sú, að nú væri rétti tíminn fyrir slíkan miðil. Þeir telja að um þessar mundir er eftirspurn eftir nýjum sjálfstæðum fréttamiðli í fjölmiðlalandslag sem fáir virðast treysta, og tækniframfarir á sviði fjölmiðlunar gera þeim nú kleift að búa til miðil algjörlega eftir eigin höfði. Upphafleg tugmilljóna króna kostnaðaráætlun var skorin við nögl, bæði til að tryggja sjálfstæði miðilsins og gagnsæi segir í tilkynningu. Niðurstaðan varð sú að þeir sem að Kjarnanum standa fjármögnuðum stofnun hans alfarið úr eigin vasa.
16.08.2013
Lesa meira
Rúnar Pálmason, handhafi fjölmiðlaverðlauna í fyrra ásamt þáverandi umhverfisráðherra, Svandísi Svav…

Frestur til að tilnefna til fjölmiðlaverðlauna að renna út

Frestur til að senda umhverfis- og auðlindaráðuneytinu tilnefningar vegna tvennra verðlauna sem ráðherra veitir á Degi íslenskrar náttúru rennur út næstkomandi föstudag, 16. ágúst. Um er að ræða Fjölmiðlaverðlaun umhverfis- og auðlindaráðuneytisins og Náttúruverndarviðurkenningu Sigríðar í Brattholti. Fjölmiðlaverðlaunum umhverfis- og auðlindaráðuneytisins er ætlað að hvetja til hverskyns umfjöllunar um íslenska náttúru, hvort heldur er í því skyni að vekja athygli á einstakri náttúru landsins eða benda á þær ógnir sem steðja að íslenskri náttúru og mikilvægi þess að varðveita hana og vernda til framtíðar. Sjá nánar hér
14.08.2013
Lesa meira
Fjárfestingar tæknifyrirtækja í prentmiðlum

Fjárfestingar tæknifyrirtækja í prentmiðlum

Aðilar sem byggja viðskiptaveldi sitt á velgengi í hinum stafræna heimi fjölmiðlunar hafa að undanförnu sýnt hefðbundnum fjölmiðlum og ekki síst prentmiðlum umtalsverðan áhuga. Þessi áhugi hefur meðal annars komið fram í fjárfestingum í prentmiðlum og eru kaup Jeffrey P. Beozs, stofnanda Amazon.com, á The Washington Post á dögunum nýjasta dæmið um slíkt. Þetta hefur aftur kallað á umræður um ástæður þess að aðilar sem hagnast hafa á tækni sem hefur grafið undan rekstrargrundvelli og framleiðslu hefðbundinna miðla á ritstjórnarefni skuli nú rétta þessum fyrirtækjum hjálparhönd. Sumir tala í þessu sambandi um skyldurækni vegna þess að nýmiðlar séu í raun ekki að framleiða mikið af efni, aðrir tala um ábyrgðartilfinningu og enn aðrir kenna þessa tilhneigingu við sektarkennd. Um þetta er m.a. fjalla í nýlegri grein í New York Times, þar sem öllum þessum hliðum er velt upp. Sjá grein hér
13.08.2013
Lesa meira
Marit Nybak

Forseti Norðurlandaráðs til varnar Árósarskóla

Forseti Norðurlandaráðs, Marit Nybak þingmaður og einn af forystumönnum Verkamannaflokksins í Noregi, segir í samtali við Aftenposetn að hún sé andsnúin því að skrúfa fyrir fjárveitingar til Norræna blaðamannaskólans í Árósum eins og hugmyndir hafa verið uppi um og norræna ráðherranefndin hefur samþykkt. Að óbreyttu verður skólinn að leggja niður starfsemi sína um áramót. „Við megum ekki leggja niður mikilvægar menningarstofnanir. Það eru aðrir hlutar fjárhagsáætlunarinnar sem eðlilegt er að fara frekar yfir með gagnrýnum huga en Blaðamannaskólinn í Árósum,“ segir Nybak í Aftenposten. Blaðamannafélag Íslands og blaðamannasamtök á Norðurlöndunum og fjöldi annarra aðila hafa mótmælt áætlunum um lokun Árósarskólans. Sjá einnig hér
10.08.2013
Lesa meira
Tilkynning

Margmiðlunarnám í Borgarholtsskóla

Borgarholtsskóli hefur ákveðið að bjóða upp á nýtt og spennandimargmiðlunarnám með dreifnámsfyrirkomulagi nú í haust. Umsóknarfrestur ertil og með 12. ágúst nk. Námið er ætlað fólki með ólíka þekkingu ogbakgrunn sem vill öðlast alhliða hæfni í hönnun og miðlun efnis meðstafrænni tækni. Námið er bæði verklegt og fræðilegt og hentar vel þeimsem vilja ná góðum tökum á upplýsingatækni. Um er að ræða diplomunám (4. þrep) þar sem stúdentsprófs eða sambærilegrar menntunar erkrafist.Námið er hugsað sem alhliða kennsla og þjálfun í framsetningu og vinnsluefnis með stafrænum hætti; gerð prent-, kvikmynda- og vefefnis svoeitthvað sé nefnt. Það er trú Borgarholtsskóla að með því að bjóða upp á þetta nám séu þeir að uppfylla ákveðinn skort á heilsteyptu námi á þessu sviði sem muninýtast nemendum vel í starfi.Umsjónarmaður með náminu er Ari Halldórsson - Netfang: ari@bhs.is Sími:820- 2857
08.08.2013
Lesa meira
Frá mótmælum í Berlín vegna ásakana á Snowden

Yfir 150 samtök skora á Obama

Í bréfi sem yfir 150 félagasamtök og einstaklingar hafa sent Obama Bandaríkjaforseta er hvatt til þess að ásakanir á hendur uppljóstraranum Edward Snowden verði felldar niður, að lög um uppljóstrara verði uppfærð og lög verði sett til varnar blaðamönnum og fjölmiðlum. Það voru regnhlífarsamtökin Article 19 sem höfðu frumkvæði að þessu bréfi. Sjá bréfið hér: http://www.ifex.org/united_states/2013/08/06/obama_protect_whistleblowers/
07.08.2013
Lesa meira

Yfir 150 samtök skora á Obama

Í bréfi sem yfir 150 félagasamtök og einstaklingar hafa sent Obama Bandaríkjaforseta er hvatt til þess að ásakanir á hendur uppljóstraranum Edward Snowden verði felldar niður, að lög um uppljóstrara verði uppfærð og lög verði sett til varnar blaðamönnum og fjölmiðlum. Það voru regnhlífarsamtökin Article 19 sem höfðu frumkvæði að þessu bréfi. Sjá bréfið hér
07.08.2013
Lesa meira
115 116 117 118 119 120 121 122 123 124