Forsíða / Félagið / Útgefið efni / Fréttir

Fréttir

Vel heppnaður aðalfundur

Hjálmar Jónsson var endurkjörinn formaður Blaðamannafélagsins á aðalfundi í gærkvöldi, en hann var sjálfkjörinn. Ekki urðu miklar breytingar á forystu félagsins en Magnús Halldórsson gaf ekki kost á sér til endurkjörs í stjórn og í hans stað var Rakel Ósk Sigurðardóttir kjörin í aðalstjórn. Rakel Ósk hafði átt sæti í varastjórn, og í hennar stað þar kom Höskuldur Kári Schram. Í samningaráði hætti Gunnhildur Arna Gunnarsdóttir og kom Rakel Ósk Sigurðardóttir í hennar stað, en Rakel Ósk hafði verið varamaður í samningaráði og í hennar stað sem varamaður kom Erla Hlynsdóttir. Þá gaf Birgir Guðmundsson, sem verið hefur formaður verðlaunanefndar blaðamannaverðlauna, ekki kost á sér áfram en í verðlaunanefndina kemur Gunnhildur Arna Gunnarsdóttir. Á aðalfundinum var samþykkt ályktun um að fela stjórn félagsins að mynda sérstakt fagráð undir forustu varaformanns félagsins. Megin hlutverk þessa fagráðs á að vera að taka á móti nýjum faglegum verkefnum sem félaginu ber að taka að sér, m.a. í tengslum við breytt lagaumhverfi og nýja stöðu fjölmiðla og blaðamanna í landinu. Fram kom að meðal þess sem slíkt fagráð á að fjalla um eru reglur um ritstjórnarlegt sjálfstæði og eftirfylgd með þeim.

24.04.2013

Samfylking með flestar fréttir

Vefsíðan eyjan.is hefur birt samantekt sem Fjölmiðlavaktin tók saman fyrir síðuna um umfjöllun prentmiðla um framboð sem mælast í könnunum inni með mann. Þar kemur fram að Samfylkingin hefur fengið mestu umfjöllunina í prentmiðlum á tímabilinu frá 1. mars til 19. apríl. Framsóknarflokkurinn hins vegar hefur fengið minnsta umfjöllun af fjórflokkunum og er ekki að sjá að samhengi sé milli magns umfjöllunar eða þess hvort hún sé jákvæð eða neikvæð og gegnis í skoðanakönnunum. Samkvæmt Eyjunni hefur skipting fréttanna verið eftirfarandi: Samfylking 245 fréttir og þar af 65,5% jákvæðarSjálfstæðisflokkur, 177 fréttir og þar af 62,1% jákvæðarVinstri græn, 168 fréttir og þar af 62,5% jákvæðarFramsóknarflokkur, 155 fréttir og þar af 58,7% jákvæðarBjört framtíð, 41 frétt og þar af 80,5% jákvæðarPíratar, 33 fréttir og þar af 93% jákvæðar Sjá nánar hér

23.04.2013

Aðalfundur BÍ í kvöld

Aðalfundur Blaðamannafélags Íslands árið 2013 verður haldinn í kvöld, þriðjudaginn 23. apríl, í húsnæði félagsins að Síðumúla 23 og hefst fundurinn stundvíslega kl. 20.00. Félagsmenn eru hvattir til að mæta og taka þátt í störfum félagsins. Dagskrá:Venjuleg aðalfundarstörfSkýrslur frá starfsnefndumKosningarÖnnur mál

23.04.2013

Bannað að vitna til erlendra miðla

Sama dag og kínverskir blaðamenn fréttu að New York Times hefði fengið Pulizerverðlaun fyrir umfjöllun um fyrrum leiðtoga Kína, Wen Jiabao og hvernig hann og fjölskylda hans rökuðu saman auði á valdatíma hans, var blaðamönnunum tilkynnt um að kínverska Fjölmiðlaeftirlitið hefði bannað þeim að greina frá því sem fjallað er um í erlendum fréttamiðlum. Engin fjölmiðlagátt hefur heimild til að nota erlendt fréttaefni sem ekki hefur verið samþykkt af þar til bærum stjórnvöldum, segir í tilkynningu frá Fjölmiðlaeftirlitinu. Þá er ekki heldur heimilt að birta upplýsingar frá fréttariturum, lausamönnum, áhugasamtökum eða fyrirtækjum erlendis, nema að fyrirfram fengnu leyfi. Sjá meira hér

19.04.2013

Ísland í næst efsta sæti yfir facebook-notendur

Quatar er eina landið í heiminum þar sem hærra hlutfall íbúa notar facebook en á Íslandi. Rúmlega 72% Íslendinga notar þennan samfélagsmiðil. Aðeins eru sjö ár liðin frá því að nafnið facebook kom fyrst fram hér á landí, en það ár í frétt í DV. Þetta kemur fram í grein um facebooknotkun hjá Iceland Review. Umfjöllunina má sjá hér

18.04.2013

Tilkynning

Þrír fundir um kosningarnar í H.Í.

Stofnun stjórnsýslufræða og stjórnmála og Stjórnmálafræðideild HÍ standa fyrir þremur opnum fundum í Háskóla Íslands í aðdraganda alþingiskosninga 2013. Fræðimenn á sviði stjórnmálafræði og sagnfræði spá í spilin. 1. Föstudaginn 19. apríl kl. 12-13 í Lögbergi st. 101. Guðni Th. Jóhannesson lektor í sagnfræði: Stjórnarkreppan mikla. Hvers vegna munu stjórnarmyndunarviðræður ganga illa eftir alþingiskosningarnar í apríl 2013?. Í fyrirlestrinum verða stjórnarmyndunarviðræður skoðaðar í sögulegu ljósi og m.a. leidd rök að því að eftir þingkosningarnar framundan muni reynast erfitt að koma saman ríkisstjórn og stjórnar. Umræðum stjórnar Steinunn Stefánsdóttir, blaðamaður. 2. Mánudaginn 22.apríl kl. 12-13 í Odda st. 101. Dr. Gunnar Helgi Kristinsson prófessor í stjórnmálafræði og Dr. Stefanía Óskarsdóttir lektor í stjórnmálafræði: Hver er staðan í íslenskum stjórnmálum fimm dögum fyrir Alþingiskosningar? Talsverðar líkur eru á gjörbreyttu pólitísku landslagi eftir alþingiskosningarnar sem haldnar verða 27. apríl n.k. Miklar sviptingar eru innan flokka, ný framboð hafa komið fram og fylgi flokka og framboða er á fleygiferð. Stjórnmálafræðingarnir munu fjalla um stöðuna í íslenskum stjórnmálum fimm dögum fyrir kosningar. Umræðum stjórnar Höskuldur Kári Schram fréttamaður á Stöð 2. 3. Miðvikudaginn 24. apríl kl. 12:15-13:15 í Odda st 101. Dr. Ólafur Þ. Harðarson prófessor í stjórnmálafræði og Eva Heiða Önnudóttir stjórnmálafræðingur og doktorsnemi: Hvernig hegða kjósendur sér? Fjöldi nýrra framboða og miklar fylgissveiflur í skoðanakönnunum veldur því að líklega hefur aldrei verið eins erfitt að ráða í hegðun kjósenda og nú þegar alþingiskosningar eru rétt handan við hornið. Í erindum sínum ræða stjórnmálafræðingarnir um hegðun kjósenda. Ólafur Þ Harðarson ræðir Kosningasveiflur og nýir flokka og í erindi Evu Heiðau Önnudóttir doktorsnema í stjórnmálafræði Nýir kjósendur, gamlir flokkar?: Tryggð kjósenda við stjórnmálaflokka og nálægð á hugmyndafræði fjallar hún m.a. um minnkandi tryggð kjósenda og minni áhrif vinstri-hægri nálægðar við stjórnmálaflokk á það sem fólk kýs.

17.04.2013

Dagblöð öflug í tengslum við lesendur

Dagblöð eru enn þá áhrifaríkist fjölmiðla í að efla þáttöku og samskipta við lesendur sína samkvæmt nýrri könnun sem Samtök dagblaðaútgefenda í Bandaríkjunum hefur sent frá sér. Þá eru auglýsingar í prentmiðlum áfram með þeim áhrifamestu. Hins vegar skyggir það á þessi jákvæðu tíðindi fyrir dagblöð, að auglýsnigatekjur eru enn á niðurleið. Dagblöð gætu, samkæmt þessari könnun, gert margt til að efla stöðu sína, sérstaklega þegar kemur að því að nýta sér samfélagsmiðla og snjallsímavæðinguna. Höfundar könnunarinnar segja að framleiðendur ritstjórnarefnis af hvaða tagi sem er ættu að snúa sér að því að tengjast snjallsímum þar sem notkunarsprenging sé að eiga sér stað.Sjá einnig hér

17.04.2013

Áskriftartekjur blaða aukast í BNA

Loksins berast góðar fréttir af rekstri á dagblaðamarkaðnum í Bandaríkjunum, eftir um áratugs göngu um táradal tapreksturs. Áskriftartekjur dagblaða jukust á árinu 2012 í fyrsta sinn í tíu ár og er það fyrst og fremst þakkað auknum tekjum af áskrift af netútgáfum blaðanna. Þetta kemur fram í gögnum sem Samtök dagblaða í BNA (Newspaper Assn. of America) hafa tekið saman. Þessi niðurstaða er ekki síst merkileg fyrir það að hún dregur fram að dagblöðin, sem um langt skeið hafa átt undir högg að sækja vegna internetsins, eru nú farin að aðlaga viðskiptamódel sín að netinu. Alls voru áskriftartekjur bandarískra blaða árið 2012 um 10,4 milljarðar dala, og höfðu þá vaxið um 5% frá árinu áður. Sjá meira hér

10.04.2013

Leiðir vonandi til vakningar

Von mín er að þessi ráðstefna um rannsóknarblaðamennsku muni hafa sömu áhrif á Íslandi og varð í Svíþjóð þegar við byrjuðum að halda slíka ráðstefnu fyrir 25 árum," sagði Nils Hanson, ritstjóri fréttaskýringarþáttarins Uppdrag Granskning á sænska ríkissjónvarpinu. Nils var einn af fyrirlesurum á ráðstefnu Miðstöðvar rannsóknarblaðamennsku, sem haldin var á Icelandair Hotel Reykjavík Natura, um síðustu helgi. Nils Hanson kallaði fyrirlestur sinn Stafróf rannsóknarblaðamennskunnar eða ABC of Investigative Journalism. Hann útskýrði þar vinnuferli rannsóknarblaðamennskunar frá því að blaðamaðurinn byrjar að grafa og þar til fréttin er tilbúin. Nils hefur flutt þennan fyrirlestur víða enda óhætt að segja að hann hafi verið byggður upp eins og kennslustund í rannsóknarblaðamennsku. Nils segir að eftir því sem fleiri blaðamenn sjái möguleika aðferðarfræði rannsóknarblaðamennskunnar og mikilvægi hennar fyrir samfélagið, því fleiri taki upp slík vinnubrögð. Það sé mjög gefandi fyrir blaðamenn. Sú vakning sem orðið hefur í Svíþjóð er mjög miklvæg. Við sjáum nú blaðamenn allastaðar vera að grafa", allt frá litlum héraðsfréttablöðum til stærri landsmálablaða og það þrátt fyrir að efnahagsástandið sé ekki upp á marga fiska. Það er von mín að slík vakning - þar sem blaðamenn hjálpa blaðamönnum - verði einnig á Íslandi." Nils fór í fyrirlestri sínum yfir verkferla sem auðvelda blaðamönnum að halda utan um vandmeðfarin og flókin mál þannig að þeir stofni ekki sjálfum sér né öðrum í hættu. Einnig benti hann á að nauðsynlegt sé að gæta skynsamlegs utanumhald eins og skráningu samtala og gagna sem aflað er. Meðal annars til að koma í veg fyrir að blaðamenn verði rengdir eftirá. Uppdrag Granskning þættirnir hafa margir hverjir vakið gríðarlega athygli bæði í Svíþjóð og víðar, og skemmst er að minnast stórra mála eins og umfjöllunar Sven Bergmans og Fredriks Laurin um fangaflutninga CIA og TeliaSonera svo dæmi séu tekin. Bæði Nils og kollegar hans hafa unnið fjölda blaðamennskuverðlauna fyrir fréttaskýringar í þættinum.

08.04.2013

WikiLeaks birtir "Kissinger-skeyti"

WikiLeaks hefur nú vakið athygli á ný og birt stærsta safn leyniskjala sem samtökn hafa hngað til birt. Hér erum að ræða skjalasafn sem gengur undir nafninu Kissinger-skeytin (Kinnsinger Cables) og er þar að finna um 1,7 milljón skjöl sem tengjast utanríkisþjónustu Bandaríkjanna á árunum 1973-1976. Af þessu fjölda öllum tengjast ríflega 200 þúsund skjöl hinum umdeilda untaríkisráðherra tímabilsins, Henry Kissinger. Alls er umfang þeirra skjala sem birt eru um 700 milljón orð, og í þeim er að finna það sem WikiLeaks kalla merkilegar uppljóstranir um þátttöku og stuðning Bandaríkjanna við fasískar einræðisstjórnir, einku í Rómönsku Ameríku, ríkisstjórn Franco á Spáni og stuðning við herforingjastjórnina á Grikklandi. Sjá meira hér

08.04.2013

120 121 122 123 124 125 126 127 128 129