Fréttir

Sendinefnd frá Evrópusambandi blaðamanna (EFJ) hitti í gær Stækkunarstjóra Framkvæmdastjórnar ESB, Johannes Hahn  og ræddi við hann hvernig best væri að bæta félagslegar og starfstengdar aðstæður blaðamanna og efla almenningsmiðlun (Public service media) og fjölbreytni og fjölræði í fjölmiðlum á vestur hluta Balkanskagans.  Mogens Blicher Bjerregård  forseti EFJ segir að fagfélög í Austur – Evrópu geti ekki leikið það hlutverk sem þau ættu að leika í þróun fjölmiðla. „ ESB ætti að styðja þessi félög og stuðla að samtali milli þeirra sem hagsmuna hafa að gæta í fjölmiðlageiranum,“ segir hann og leggur þunga áherslu á að brýnt sé að valdefla blaðamannafélög á svæðinu. Ýmsar leiðir koma til greina í þessum efnum og var meðal annars nefnt að efna til þríhliða samtals milli útgefenda blaðamanna og stjórnvalda, en að mati Bjerregård „ætti atvinnurekendur, launamenn og stjórnvöld að geta náð saman um undirritað samkomulag.“    Á fundinum var mikið rætt um mikilvægi almenningsmiðlunar (Public Service Media), fjölbreytni og fjölræði í fjölmiðlum og hvernig hægt væri að finna varanleg rekstramódel fyrir fjölmiðla sem hvort tveggja í senn tryggðu atvinnuöryggi og gæði í fréttum. „ Mikilvægi óvilhallra upplýsinga og virðing fyrir réttarríkinu far algerlega saman,“ sagði Hahn sem lýsti sig sammála tilraunum EFJ til að efla sjálfstæða blaðamennsku og styrkja fagleg samtök blaðamanna.  Sjá einnig hér  

 Illugi Gunnarsson sagði í samtali við RÚV í dag að hugsanlega væri aðgerða að vænta frá ríkisvaldinu varðandi samkeppnisstöðu einkarekinna miðla fyrir kosningarnar í lok október.  Það sem helst kæmi til greina væri breyting á skattaumhverfi eða aðgerðir varðandi stöðu RÚV á auglýsingamarkaði.  Þessi ummæli koma í kjölfar aðgerða sem nokkrar einkareknar stöðvar gripu til í gærkvöldi með 7 mínútna þögn á ljósvakanum.  Athygli vekur að Illugi telur ekki hljómgrunn fyrir einhvers  konar styrkjakerfi í fjölmiðlun til að tryggja fjölræði og fjölbreytni líkt og tíðkast hefur á hinum Norðurlöndunum, en horfir m.a. til skattaumhverfis og þess að RÚV gefi eftir auglýsingamarkaði. Ýmsir, þar á meðal talsmenn N4 sjónvarpsstöðvarinnar sem ekki tók þátt í aðgerðunum í gærkvöldi, hafa bent á að  það eitt og sér að RÚV dragi saman seglin á auglýsingamarkaði muni helst gagnast hinum risunum á ljósvaka/fjarskipta markaði, þ.e. Símanum og 365 (Vodafone) og þar með gera lítið fyrir fjölræði í fjölmiðlun.  Ráherra nefnir líka skattaumhverfið og stöðu íslenskra miðla gagnvart erlendum risum en það eru sams konar áhyggjur og viðraðar hafa verið í öðrum löndum m.a. Noregi þar sem stjórnendur Aftenposten hafa kvatt sér hljóðs um málið. Sjá frétt RÚV  um málið hér  

Rekstrargrundvöllur fjölmiðla, ekki síst dagblaða, hefur sjaldan eða aldrei verið eins brothættur og nú. Þetta á við um um dagblaðastarfsemi víða um heim og hafa menn í óða önn verið að leita að leiðum til að treysta reksturinn með misjöfnum árangri. Í Noregi er nú að fara af stað athyglisverð tilraun um rekstur á prentmiðli þar sem Dagsavisen hyggst nú samaeina undir einum hatti nokkur staðbundin blöð og bjóða upp á heilstætt dagblað undir merkjum Dagsavisen Östfold.  Dagsavisen hefur nú þegar undir sínum merkjum nokkur staðbundin blöð og er raunar þekkt fyrir sínar staðbundnu útgáfur. Nú hefur aðalritstjórinn Eirik Hoff Lysholm semsagt tilkynnt um nýtt átak og nýja sýn þar sem hann sér fyrir sér að blaðið – í mismunandi útgáfum eftir stöðum - muni nú „færa lesendum sínum allt það mikilvægasta sem er að gerast alþjóðlega, á landsvísu og staðbundið heim í póstkassann í einu og sama blaðinu.“   Hann kveðst hafa trú á að blaðamennska eigi framtíð fyrir sér og með því að setja saman í einn pakka bæði staðbundið, landsdekkandi og alþjóðlegt efni skapist sóknarfæri fyrir prentmiðilinn.  Fólk sem ekki hafi áhuga á landsdekkandi efni  geti þá bara flett yfir í staðbundna efnið á meðan þeir sem ekki hafa hug á staðbundnu geti sleppt því og farið beint í landsdekkandi og erlent efni.  semsagt tilkynnt um nýtt átak og nýja sýn þar sem hann sér fyrir sér að blaðið – í mismunandi útgáfum eftir stöðum - muni nú „færa lesendum sínum allt það mikilvægasta sem er að gerast alþjóðlega, á landsvísu og staðbundið heim í póstkassann í einu og sama blaðinu.“  Hann kveðst hafa trú á að blaðamennska eigi framtíð fyrir sér og með því að setja saman í einn pakka bæði staðbundið, landsdekkandi og alþjóðlegt efni skapist sóknarfæri fyrir prentmiðilinn.  Fólk sem ekki hafi áhuga á landsdekkandi efni  geti þá bara flett yfir í staðbundna efnið á meðan þeir sem ekki hafa hug á staðbundnu geti sleppt því og farið beint í landsdekkandi og erlent efni. Sjá einnig hér  

Næstkomandi fimmtudagskvöld verður þögn verður í sjö mín­út­ur frá klukkan 21:00  á nokkrum einka­reknum  ljósvakamiðlum. Með þessu vilja miðlarnir undirstrika með táknrænum hætti  mik­il­vægi þess að sam­keppn­is­staða sé jöfnuð á ís­lensk­um fjöl­miðlamarkaði. Á dögunum sendu fjölmiðlarnir Hring­braut­, 365 miðlar, ÍNN, Útvarp i Saga og Sjón­varp Símanns, frá sér áskorun um þetta efni og hvöttu til að RÚV yrði tekið af auglýsingamarkaði strax um næstu áramót. Í tilkynningu frá þessum sömu miðlum  seg­ir að þeir fagni „já­kvæðum viðbrögðum þing­manna þvert á flokka sem birt­ust í kjöl­far ákalls þeirra um að fjöl­miðlalög­um yrði breytt til þess að jafna sam­keppn­is­stöðu þeirra á ís­lensk­um fjöl­miðlamarkaði.“   Síðan segir vegna þagnarinnar sem verður á miðlunum á fimmtudagskvöld: „Afar mik­il­vægt er að einka­rekn­ir fjöl­miðlar sitji við sama borð og er­lend­ir keppi­naut­ar sem nú herja bæði á áskrift­ar- og aug­lýs­inga­markað á sama tíma og þeir greiða hér hvorki skatta né gjöld. Þess­ir miðlar lúta ekki íþyngj­andi regl­um um meðhöndl­un efn­is sem inn­lend­ir fjöl­miðlar regl­um gera. Einka­rekn­ir miðlar treysta á tekj­ur af aug­lýs­inga­sölu til að standa und­ir starf­sem­inni og því væri öll­um til hags­bóta væru op­in­ber­ir fjöl­miðlar ekki á þeim markaði,“ seg­ir í frétta­til­kynn­ing­unni. Eng­ar út­send­ing­ar verða frá eft­ir­töld­um fjöl­miðlum: Útvarp Saga, ÍNN, Stöð 2, Stöð 3, Bíórás­in, Bylgj­an, Létt­Bylgj­an, Gull­Bylgj­an, FM Extra, FMX, 80’s Bylgj­an, FM957, X-ið, Sjón­varp Sím­ans, K100, Retro, Sjón­varp Hring­braut­ar, Útvarp Hring­braut­ar FM89,1.      

Áhugaverð umræða hefur skapast að undanförnu á Norðurlöndum  um ritstýringu á Facebook og hvernig hún fer fram, hvað sé ritskoðað og á hvaða forsendum. Umræðan snýst ekki síst um ritstjórnarvald og gríðarlegt eftirlit sem fyrirtækið Facebook hefur. Tilefnið er birting í blaðamannsins og rithöfundarins  Tom Egeland á 40 ára gamalli mynd með færslu sem hann setti á Facebook.  Myndin er heimsfrægt tákn um hrylling Vietnamstríðsins og sýni hina þá 9 ára gömlu Kim Phuch  hlaupa nakta og  gátandi  í burtu undan napalmsprengjum og sjá má hvernig hold hennar brennur.  Facebook kom síðan inn og ritskoðaði birtingu myndarinnar og taldi hana ekki birtingarhæfa samkvæmt reglum fyrirtækisins um nekt.  Þetta hefur ýmsum þótt merkileg niðurstaða, enda um einstaka táknmynd úr mannkynssögunni að ræða.  Hafa ýmsir síðan kannað hversu langt Facebook gengur í ritskoðun á þessum grundvelli og setti m.a. vefsíða norska Blaðamannsins inn þessa mynd þar sem búið var að gera hana óskýra, en það gilti einu, hún var ritskoðuð. Aðrir hafa prófað að setja inn myndir af heimsþekktum listaverkum þar sem nekt kemur við sögu og virðist það á endanum flest ritskoðað líka. Sjá umræður hér og hér          

Jafnréttisráð  sendi í dag frá sér eftirfarandi auglýsingu um tilnefningar til fjölmiðlaviðurkenningar:   „Í ár mun Jafnréttisráð, ásamt ráðherra jafnréttismála, veita sérstaka fjölmiðlaviðurkenningu aðilum sem hafa skarað fram úr þegar kemur að umfjöllun um mál sem tengjast jafnrétti kynjanna á liðnu ári. Viðurkenningu getur hlotið:  Fjölmiðill sem skarað hefur fram úr á sviði jafnréttismála, svo sem hvað varðar efnistök, umfjöllun og miðlun efnis.  Þáttur, þáttaraðir, greinar eða annað afmarkað efni þar sem jafnrétti er sérstakt viðfangsefni eða leiðarstef.  Einstaklingur sem með störfum sínum á fjölmiðli hefur unnið sérstaklega að jafnréttismálum.   Tilnefningar skulu vera rökstuddar. Til að koma til álita við veitingu viðurkenningarinnar þarf viðkomandi aðili að vera tilbúinn að veita frekari upplýsingar. Tilnefningum skal skila eigi síðar en 20. september 2016 á rafrænu formi á netfangið jafnretti@jafnretti.is (Með fjölmiðli er átt við stofnun eða fyrirtæki, lögaðila, sem safnar, metur og setur fram upplýsingar í því skyni að dreifa þeim reglulega til umtalsverðs fjölda fólks á tilteknu svæði (Menntamálaráðuneytið, apríl 2005).“  

Þóra Tómasdóttir, ritsjóri Fréttatímans hefur kært hótun sem hún fékk á Facebook sem hún telur að sé tengd frétt sem hún skrifaði í Fréttatímann í gær. „Ég læt hótanir ekki hafa áhrif á hvernig ég skrifa fréttir,“ segir Þóra í samtali við ruv.is Sjá frétt ruv.is  hér

Aðgerðir gegn frjálsri fjölmiðlun í Tyrklandi halda áfram og Özgur Gündem er  það blað í landinu sem nú síðast hefur verið lokað er með valdi. Dómstóll í Istanbul fyrirskipaði lokun blaðsins, sem styður Kúrda,  í gær á þeirri forsendu að blaðið hafi dreift áráðri fyrir Verkamannaflok Kúrda PKK.  Evrópusamband blaðamanna (EFJ) fordæmir þessar árásir á fjölmiðla og hefur krafist þess að lokun blaðsins verði aftukölluð  og styður tyrknesk blaðamannafélög í baráttu þeirra gegn aðgerðum gegn frjálsri fjölmiðlun sem komið hafa í kjölfar hins misheppnaða valdaráns hersins. Sjá einnig hér  

„Þegar kemur að umfjöllun um flóttamenn virðast fjölmiðlar vera að komast upp með gróf brot á faglegum og siðlegum viðmiðum. Á tímum þegar útlendingafælni fer vaxandi í almenri stjórnmálaumræðu vex sú skylda blaðamanna að segja vandaðar fréttir.“ Þetta segir blaðakonan Federica Marsi, sem skrifar áhugaverðan og umhugsunarhvetjandi pistil á vefsíðu Middle East Eye, en hún hefur skrifað um málefni Mið-Austurlanda fyrir marga helstu miðla á Vesturlöndum.  Hún rekur í pistlinum hvernig efnistökin hjá mörgum miðlum valda því að umræðan um flóttamenn er iðulega á villigötum og staðan almennt verri en hún þyrfti að vera.  Pistillinn er áhugaverður m.a. vegna þeirra dæma sem hún tekur um það hvaða sjónarhorn virtir miðlar setja á fréttir (frameing).  Pistillinn er innlegg í stærri umræðu sem m.a. var ýtt af stað af Siðaneti blaðamanna (Journalism Ethical Network), sem gaf út stóra skýrslu um umfjöllun fjölmiðla um flóttamannamál í desember síðastliðnum. Sjá pistilinn hér