Fréttir

„Tveir einstaklingar hafa hlotið refsingu samkvæmt almennum hegningarlögum í Hæstarétti í meiðyrðamálum síðustu tvo áratugina. Báðir sættu ákæru saksóknara. Engu einkamáli vegna meiðyrða lauk með fangelsisdómi eða sektargreiðslu. 20 slíkum málum lauk með sýknu, ómerkingu ummæla eða bótagreiðslum.“ Þetta kemur fram í áhugaverðri samantekt sem Brynjólfur Þór  Guðmundsson fréttamaður á RÚV hefur tekið saman fyrir fréttastofuna og birt er á síðu RÚV. Refsiákvæði fyrir meiðyrð  hafa verið í umræðunni upp á síðkastið í ljósi þess að í  aðstoðarkona innanríkisráðherra fór fram á refsingu yfir blaðamönnum DV fyrir meiðyrði í hennar garð á dögunum.  Þegar talað er um „refsingu“ í þessu samhengi er verið vísa til fangelsis eða sektargreiðslna, en ekki miskabóta eða málskostnaðar sem einnig hefur verið talsvert í umræðunni á undanförnum misserum.  Samantekt Brynjólfs má í heild lesa hér.  

 Málþing til heiðurs Margréti Indriðadóttur, fyrrverandi fréttastjóra Útvarps verður haldið í Útvarpshúsinu við Efstaleiti laugardaginn 15. nóvember klukkan 13-15. Yfirskrift þess er: „Í fréttum er þetta helst…“ og þar fjalla nokkrir fyrirlesarar um fréttir og fjölmiðla fyrr og nú.  Margrét Indriðadóttir var brautryðjandi í fréttamennsku hér á landi og var fyrsta konan á Norðurlöndum til að gegna stöðu fréttastjóra ríkisútvarps. Hún hóf störf á Morgunblaðinu haustið 1943 að loknu stúdentsprófi frá MA. Stundaði nám í blaðmennsku við Háskólann í Minnesota í Bandaríkjunum og vann að því loknu um skeið á Morgunblaðinu. Margrét réðst til starfa á Fréttastofu Útvarps 1949 og starfaði þar til ársloka 1986, þar af síðustu 18 árin sem fréttastjóri Útvarps.  Hún hefur hlotið margskonar viðurkenningu fyrir störf sín og leitt fjölda frétta- og blaðamanna fyrstu skrefin í heimi fjölmiðlunar hér á landi.  Þeir sem standa að málþinginu eru Ríkisútvarpið, Háskólinn á Akureyri, Háskóli Íslands, Blaðamannafélag Íslands og Félag fréttamanna, en Erna Indriðadóttir fjölmiðlakona hefur stjórnað undirbúningi þess. Hún mun setja málþingið en síðan tekur dr. Sigrún Stefánsdóttir við fundarstjórn. Margrét Indriðadóttir flytur stutt ávarp og farið verður yfir feril hennar í máli og myndum. Þá talar Stefán Jón Hafstein, fyrrverandi fréttamaður Útvarps, Rakel Þorbergsdóttir, fréttastjóri RÚV, Ragnar Karlsson, fjölmiðlafræðingur, Ingibjörg Þórðardóttir, ritstjóri hjá BBC og að lokum ávarpar Magnús Geir Þórðarson útvarpsstjóri málþingið. Gestum verður síðan boðið í skoðunarferð um Útvarpshúsið undir leiðsögn Boga Ágústssonar.***  Margrét var eins og áður segir fyrsta konan á Norðurlöndum  til að gegna starfi fréttastjóra ríkisútvarps.  Margrét fæddist á Akureyri árið 1923, dóttir hjónanna Indriða Helgasonar og Laufeyjar Jóhannsdóttur. Hún varð stúdent frá Menntaskólanum á Akureyri vorið 1943 og hóf störf á Morgunblaðinu þá um haustið.  Hún fékk fljótt áhuga á blaðamennsku og gerði sér ljóst að hún vildi afla sér menntunar á því sviði, en á þeim tíma þótti eðlilegt að konur sæju um kvennasíðuna í Morgunblaðinu og þýddu framhaldssöguna.  Hún hélt því til náms í Blaðamannaskóla Háskólans í Minnesota árið 1946 og var meðal fyrstu Íslendinganna sem sóttu sér menntun í þeirri grein.  Við heimkomuna hóf hún aftur störf á Morgunblaðinu, en réð sig til starfa á Fréttastofu Útvarps í árslok 1949.  Það vakti athygli þegar hún var ráðin fréttastjóri á Fréttastofu Útvarpsins árið 1968, fyrst kvenna á Norðurlöndum til að gegna því starfi.  Margrét starfaði á Fréttastofunni í 36 ár, 18 ár sem fréttamaður og 18 ár sem fréttastjóri.  Hún hlaut viðurkenningu Nordfag árið 1991 fyrir störf sín í þágu almennings og sagði þá meðal annars.  „Öll þau ár sem ég var fréttastjóri Útvarps leit ég svo á að ég væri í þjónustu almennings, hlustenda“. Og einnig sagði hún. „Það er mikill ábyrgðarhluti að segja fréttir og sú var tíðin að þeir sem fluttu ill tíðindi voru gerðir höfðinu styttri.  Það má segja að ég hafi sloppið vel frá þessu háskalega lífsstarfi, raunar bráðvel þegar ég lít á þennan verðlaunagrip“. Margrét leiðbeindi fjölda fréttamanna á Fréttastofu Útvarps, en sumir stigu sín fyrstu skref í fréttamennskunni undir hennar leiðsögn.  Einstök kunnátta hennar í íslensku máli var gott veganesti. Vinnufélagar Margrétar til margra ára, þau Árni Gunnarsson síðar alþingismaður og Margrét Jónsdóttir fyrrverandi fréttamaður lýstu því í blaðagrein hvernig stjórnandi Margrét var.  „Hún stjórnaði án þess að nokkur tæki eftir því að hún var að stjórna. Hún sagði fólki til og leiðrétti vitleysur án þess að tala niður til nokkurs manns. Hún naut trausts, virðingar og væntumþykju undirmanna sinna – hundrað prósent“.    Dagskrá málþingsins: Fundarstjóri:  Sigrún Stefánsdóttir, forseti hug-og félagsvísindasviðs Háskólans á Akureyri og fyrrum fréttamðaur Setning málþingsins - Erna Indriðadóttir fjölmiðlakona Stutt ávarp - Margrét Indriðadóttir fyrrverandi fréttastjóri Fréttamannsferill Margrétar – myndband Fréttastofa Útvarps þegar Stefán Jón hóf störf þar - Stefán Jón Hafstein fyrrverandi fréttamaður á FÚ Fréttastofa RÚV – þegar á reynir - Rakel Þorbergsdóttir fréttastjóri RÚV Fjölmiðlar á einni mannsævi: Þróun fjölmiðla á Íslandi síðastliðin 90 ár - Ragnar Karlsson aðjúnkt í HÍ og sérfr. á Hagstofu  Íslands Fréttamennskan í dag og framtíðin -Ingibjörg Þórðardóttir ritstjóri hjá BBC Stutt ávarp -Magnús Geir Þórðarson útvarpsstjóri Kaffiveitingar Skoðunarferð um Útvarpshúsið með Boga Ágústssyni fréttamaður      

Evrópusamband blaðamanna (EFJ) og Blaðamannasambandið í Belgíu (AJP) hafa sameiginlega fordæmt aðgerðir lögreglu í almennum mótmælum sem fram fóru í Brusel þann 6. nóvember síðastliðinn, þar sem lögreglan lét hendur skipta gagnvart ljósmyndurum á vettvangi. Ljósmyndararnir voru að störfum á svæðinu og mjög greinilega merktir sem blaðaljósmyndarar en engu að síður beitt lögrelgumenn þá óásætttanlegu ofbeldi og lömdu m.a. ljósmyndara  Sudpresse  illa á sama tíma og hann var að taka mynd af lögreglumanni sem hafði meiðst. Það þurfti atbeina tveggja annarra blaðamanna til að  aðlda aftur af lögreglu í því tilfelli samkvæmt upplýsingum frá AJP. Fleiri dæmi voru um  óásættanlega framkomu lögreglu og  hafa fbæði AJP og Evrópusambandið  lýst því yfir að þau muni aðstoða  félaga sína í að leita réttar síns í dómskerfinu.  Sjá einnig hér

Sjónvarpsstöðin Skjárinn er fjölmiðlameistari ársins 2014.  Skjárinn vann lið Pressunar/Eyjunar í úrslitaleik 2-1 og fór taplaus í gegnum allt mótið.  Skjárinn gerði einungis jafntefli við lið fotbolta.net sem lenti í þriðja sæti eftir sigur á liði Stövar 2 í leik um þriðja sætið.  Fotbolti.net var jafnframt meistari síðustu tveggja ára og var í dauðafæri til að vinna farandbikar sem keppt hefur verið um frá upphafi, en vinna þarf mótið þrjú ár í röð til þess að vinna hann til eignar.  Morgunblaðið lenti svo í fimmta sæti eftir sigur á liði K100.  Tíu lið tóku þátt í keppninni að þessu sinni.      

Að segja sögu í sjónvarpi  er heiti námskeiðs með Torben Schou,sem haldið verður  í Útvarpshúsinu í Efstaleiti, helgina 21.-23. nóvember. Námskeiðið fer fram á ensku.  Námskeiðið er ætlað sjónvarpsfréttamönnum, vef-fréttamönnum, klippurum, tökumönnum, upplýsingafulltrúum og ritstjórum.  Hvernig fær myndmálið að njóta sín, og hvernig á að byggja upp sjónræna frétt eða þátt?  Torben mun leggja áherslu á það hvað virkar í sjónvarpi og hvað ekki.  Hvernig skipuleggur maður sjónvarpsefnið og vinnsluna og hvernig myndir virka og hvernig vinnur maður með hljóð?  Torben Schou er einn af þekktustu sjónvarpsmönnum Danmerkur og býr yfir meira en 20 ára reynslu í fréttavinnslu, íþróttafréttamennsku, þáttagerð og vinnslu skemmtiefnis.  Námskeiðið verður: Föstudaginn, 21. nóv: kl. 17.00-21.00 Laugardaginn,  22. nóv:  kl. 09.00-18.00Sunnudaginn,  23. nóv: kl. 09.00-12.00  Þeir sem hafa áhuga á að skrá sig geta haft samband við Sigrúnu Stefánsdóttur:  sigruns@unak.is  

  Lögfræðingafélag Íslands efnir til hádegisverðarfundar fimmtudaginn 6. nóvember 2014 kl. 12:00-13:00 í Nauthól, Nauthólsvegi 106, 101 Reykjavík.   Þann 21. október sl. vann Erla Hlynsdóttir blaðamaður sitt annað mál gegn íslenska ríkinu fyrir Mannréttindadómstól Evrópu. Taldi dómurinn að íslenska ríkið hefði brotið gegn 10. gr. Mannréttindasáttmála Evrópu sem fjallar um tjáningarfrelsið.   Á fundinum verður dómurinn settur í samhengi við réttarþróun hér á landi og á vettvangi Mannréttindadómstólsins. Hvað þarf til þess að blaðamenn geti talist vera „í góðri trú“ þannig að ummæli séu réttlætanleg? Er munurinn á svokölluðum gildisdómum og staðhæfingum um staðreyndir alltaf ljós? Hvaða þýðingu hafa ný fjölmiðlalög í þessu samhengi, þyrfti einnig að endurskoða ákvæði hegningarlaga um ærumeiðingar?   Framsögumenn Gunnar Ingi Jóhannsson, hrl. hjá Lögmönnum Höfðabakka en hann flutti málið fyrir hönd Erlu hjá MDE. Halldóra Þorsteinsdóttir, aðstoðarmaður hæstaréttardómara, en hún skrifaði meðal annars um kröfur til sönnunar ummæla í meiðyrðamálum í Úlfljót 2012.   Fundarstjóri Páll Þórhallsson, skrifstofustjóri forsætisráðuneytinu og sérfræðingur við Háskólann í Reykjavík.   Skráning hér   Vinsamlegast tilkynnið þátttöku fyrir kl. 15:00 miðvikudaginn  5. nóvember. Einnig er hægt að skrá sig í síma 568 0887 (símsvari).       Aðgangseyrir (hádegisverður) er kr. 3.200,- fyrir félaga í LÍ en kr. 3.700,-,   Greiðist við innganginn.       Stjórn Lögfræðingafélags Íslands  

Í gær var fyrsti alþjóðlegi baráttudagur   Sameinuðu þjóðanna gegn ofbeldi sem beinist að blaðamönnum. Af því tilefni hefur Alþjóðasamband blaðamanna skipulagt mikla herferð þar sem blaðamenn og blaðamannafélög um allan heim eru hvött til að leggja þessu baráttumáli lið og styðja þá félaga sem lifa og starfa á svæðum og í löndum þar sem ástandið er slæmt í þessum efnum. Herferð IFJ hófst nú um helgina og stendur fram til 23. nóvember. Jim Boumelha, forseti Aljóðasambands blaðamanna, IFJ, hefur af þessu tilefni  talað inn á myndband þar sem hann fer yfir þessi mál. SJÁ MYNDBAND HÉRSjá frétt hér  

  Fjölmiðlamótið í knattspyrnu árið 2014 verður haldið í Fífunni á morgun laugardag milli klukkan 14-18. Tíu lið hafra skráð sig til leiks og eru mörg ár síðan svo mörg lið hafa tekið þátt.  Um sjö manna bolta er að ræða og er leikið 1x15 mínútur á hálfum velli.  Liðunum er skipt í tvo riðla og spila tvö efstu liðin í hvorum riðli í kross áður en leikið er til úrslita um efstu þrjú sætin í mótinu.  Leikið er um eignarbikar og farandbikar, auk þess sem þrjú efstu liðin fá verðlaunapeninga.  Núverandi meistarar eru fotbolti.net en þeirhafa unniðmótið tvö síðustu árin.  Sigursælustu liðin í gegnum tíðina hafa verið DV, Stöð 2 og Morgunblaðið, en mótið er rúmlega aldarfjórðungsgamalt.  Farandbikarinn hefur þó aldrei unnist því vinna þarf mótið þrjú ár í röð til þess að vinna bikarinn til eignar.  Engu liði hefur tekist það, en Fótbolti.net á möguleika á því nú. .    Þegar dregið var í riðla skiptust liðin þannig:  A-riðill Pressan/eyjanK100RÚV433.is365  B-riðillBravóSkjár 1KjarninnFotbolti.netMbl. Leikjauppröðun er eftirfarandi: RIÐILL A: Leiktími 1x15 mínútur. Leikið á velli 1 14.10 K100 – 365                               14.17 RÚV – 433.is                            14.34 Pressan/Eyjan – K100             14.51 365 – RÚV                                15.08 Pressan/Eyjan – 433.is               15.25 K100 – RÚV                             15.42 433.is – 365                              15.59 RÚV – Pressan/Eyjan                16.16 433.is – K100                           16.33 365 – Pressan/Eyjan                   RIÐILLB: Leiktími 1x15 mínútur. Leikið á velli 2  14.10 Skjár 1 – Morgunblaðið                         14.17 Kjarninn – Fotbolti.net              14.34 Bravó – Skjár 1                         14.51 Morgunblaðið – Kjarninn                15.08 Bravó – Fotbolti.net                   15.25 Skjár 1 – Kjarninn                     15.42 Fotbolti.net – Morgunblaðið      15.59 Kjarninn – Bravó                                  16.16 Fotbolti.net – Skjár 1                 16.33 Morgunblaðið – Bravó               ÚRSLITAKEPPNI: Leiktími 1x15 mín. 17.00 Leikur um 5. sætið á velli 1      17.00 Leikur um 7. sætið á velli 2       17.17 Undanúrslit, AR1 – BR2 á velli 1           17.17 Undanúrslit, AR2 – BR1 á velli 2           17.40 Úrslitaleikur,  á velli 1               17.40 Leikur um 3. sætið, á velli 2       Völlur 1 er nær innganginum í Fífuna, völlur 2 er fjær. Framlenging í leikjum um fjögur efstu sætin er 1x5 mínútur, síðan vítaspyrnukeppni. Leikir um 5. og 7. sætið eru ekki framlengdir.      

Traust á fjölmiðlum hefur aukist talsvert milli ára og mælist nú í nýrri könnun MMR 18,6% en var 12,7% í fyrra og 11% árið 2012. Þrátt fyrir að traustið hafi verið að aukast eru þetta lágar tölur eins og sjá má ef þær eru bornar saman við traust til RÚV sem mælist nú 51,3% en hefur þó dalað um eitt prósentustig frá því í fyrra.  Enn sem fyrr er það lögreglan sem mælist með mest traust en næst mest traust mælist til Háskóla Íslands og þá til Háskólans í Reykjavík, Ríkisútvarpsins og Landsvirkjunar. Fæstir sögðust bera mikið traust til bankakerfisins, Alþingis, Fjármálaeftirlitsins og lífeyrissjóðanna. Sjá einnig hér  

Norrænir stjórnmálamenn sem nú funda á Norðurlandsráðsþingi hafa tekið fram fyrir hendurnar á Norrænu ráðherranefndinni og komið í veg fyrir að Norræna blaðamannaháskólanum í Árósum verði lokað.  Þvert á móti sjá norrænir pólitíkusar fyrir sér að Árósarskólinn fái aukið hlutverk í norrænni blðamennsku  og ð niðurskurðaráform verði afturkölluð.  Þetta eru gleðitíðindi fyrir marga íslenska blaðamenn sem farið hafa til Árása í endurmenntun og  Hjálmar Jónsson formaður BÍ hefur áður lýst andstöðu félagsins við niðurskurðaráform  ráðherranefndarinnar. Sjá einnig hér