Fréttir

Sautján félagar í Blaðamannafélagi Íslands voru heiðraðir með gullmerki félagsins eftir 40 ára starf í starfsgreininni á aðalfundi félagsins sem haldinn var í gærkveldi. Um veitingu gullmerkis gildir sérstök reglugerð.

Stjórn BÍ samþykkti nýverið að ganga til óformlegra viðræðna við Félag fréttamanna á ríkisútvarpinu eftir að beiðni þess efni barst stjórn í lok síðasta mánaðar. Stjórn BÍ er á einu máli um að sameining félaganna verði til þess að efna enn frekar samstöðu innan stéttarinnar og faglegt starf félagsins.

Vilhelm Gunnarsson, ljósmyndari Vísis, hlaut í dag verðlaun fyrir mynd ársins á verðlaunaafhendingu Blaðaljósmyndarafélags Íslands, Veitt voru verðlaun í 7 flokkum auk bestu myndar ársins, sem var mynd Vilhelms af eldgosinu í Geldingadölum.

Blaðamannaverðlaun Íslands 2021 voru veitt við hátíðlega athöfn í dag. Blaðamannafélag Íslands stendur að verðlaununum sem veitt voru í fjórum flokkum: Besta umfjöllun ársins 2021, Viðtal ársins 2021, Rannsóknarblaðamennska ársins 2021 og Blaðamannaverðlaun ársins 2021.

Ákvæði kjarasamninga um hagvaxtarauka koma til framkvæmda nú um mánaðamótin og gilda frá 1. apríl, samkvæmt ákvörðun forsendunefndar ASÍ og SA.

Blaðaljósmyndarafélag Íslands stendur árlega fyrir sýningu á myndum ársins sem valdar eru af óháðri dómnefnd úr öllum innsendum myndum íslenskra blaðaljósmyndara. Sýning á blaðaljósmyndum ársins 2021 verður opnuð í Ljósmyndasafni Reykjavíkur kl. 15, laugardaginn 2. apríl.

Aðalfundur Blaðamannafélags Íslands árið 2022 verður haldinn fimmtudaginn 28. apríl n.k. að Síðumúla 23, 3. hæð, 108 Reykjavík þar sem félagið er til húsa og hefst fundurinn stundvíslega kl. 20.00

Dómnefnd Blaðamannaverðlauna Blaðamannafélags Íslands hefur nú birt tilnefningar sínar til verðlaunanna sem afhent verða á föstudaginn eftir viku, þann 1. apríl.