Heims- og Evrópusamtök blaðamanna (IFJ og EFJ) hafa sammælst um að setja upp neyðarsjóð til að styrktar blaðamönnum í Tyrklandi sem á undanförnum árum hafa staðið frammi fyrir fordæmalausu ástandi í kjölfar átaka á stjórnmálasviðinu. Í júlí síðastliðnum var neyðarlögum aflétt í Tyrklandi eftir að hafa verið í gildi í tvö ár. Þrátt fyrir það halda stjórnvöld áfram að herja á blaðamenn sem standa frammi fyrir saksóknum, ótryggðu atvinnuástandi og afnámi ýmisa réttinda. Þúsundir blaðamanna hafa verið reknir á undanförnum árum með skelfilegum afleiðingum fyrir þá og fjölskyldur þeirra. Þetta ástand hefur keyrt um þverbak undanfarin tvö ár. Í þeim tilgangi að styðja við tyrkneska blaða- og fréttamenn munu IFJ og EFJ setja á fót sjóð í nafni samstöðu eins og áður sagði.
Sjóðurinn mun veita fjárhagslega aðstoð til þeirra blaðamanna sem missa vinnu og sæta saksókn og fangelsun. Honum er ætlað að bjóða upp á lögfræðilega stuðning við blaðamenn og fjölskyldur þeirra og styðja þannig við mannréttindi þeirra. Honum er ætlað að geta brugðist skjót við og tekist á við bráð tilfellum og um leið veitt langtímastuðningi við þá sem þurfa þess mest. IFJ / EFJ bráðabirgðasjóður mun einnig aðstoða þá blaðamenn og fjölskyldur þeirra við að standa straum af læknisaðstoð.