Leitað tilnefninga til Blaðamannaverðlauna
Verðlaunanefnd Blaðamannaverðlauna BÍ óskar eftir tilnefningum til verðlauna fyrir árið 2020, en verðlaunin verða veitt í 18. skipti 26. mars næstkomandi. Tilnefningar dómnefndar verða kynntar viku fyrir afhendingu en skilafrestur tilnefninga til dómnefndar er föstudagurinn 12. febrúar 2021.
Eins og síðustu ár verða verðlaunin veitt í fjórum flokkum:
- Besta umfjöllun ársins 2020
- Viðtal ársins 2020
- Rannsóknarblaðamennska ársins 2020
- Blaðamannaverðlaun ársins 2020
Hægt er að senda inn tilnefningar til verðlaunanna til skrifstofu Blaðamannafélagsins í Síðumúla 23 á auglýstum skrifstofutíma ásamt gögnum með röksemdafærslu fyrir tilnefningunni. Jafnframt verður flljótlega hægt að senda tilnefningar inn rafrænt með hnappi hér á forsíðu vefsins
Tilnefningar dómnefndar verða sem fyrr segir gerðar kunnar ann 19. mars, viku áður en verðlaunin sjálf verða afhent 26. mars