Aðalfundur BÍ 2026

Aðalfundur Blaðamannafélags Íslands árið 2026 verður haldinn þriðjudaginn 21. apríl n.k. að Síðumúla 23, 3. hæð, 108 Reykjavík. Fundurinn hefst stundvíslega kl. 20:00.

Félagar af landsbyggðinni og aðrir sem komast ekki á staðfund geta fylgst með fundinum í streymi og tekið þátt í atkvæðagreiðslum sem verða með rafrænum hætti. Nauðsynlegt er að skrá sig til þátttöku á fjarfundi fyrir kl 17:00 á þriðjudag 21. apríl. 

Allt fundarfólk, hvort sem það mætir á staðfund eða fjarfund fær hlekk inn á sérstaka fundarsíðu sendan með sms við skráningu á fundinn og þarf rafræn skilríki til að komast inn á hana. Þau sem ekki eru með rafræn skilríki eða þurfa aðstoð við að greiða atkvæði í gegnum snjallsíma geta fengið hjálp á staðnum. 

Dagskrá aðalfundar:

Venjuleg aðalfundarstörf samkvæmt lögum félagsins
Skýrslur frá starfsnefndum
Kosningar
Lagabreytingar
Önnur mál

Enn er hægt að gefa kost á sér til setu í eftirfarandi stjórnum og nefndum:

Aðalstjórn BÍ (formaður, aðal- og varamenn til tveggja ára)
Stjórn Menningarsjóðs BÍ, Orlofsheimilasjóðs og Endurmenntunarsjóðs (aðal- og varamenn til tveggja ára)
Stjórn Styrktarsjóðs BÍ (aðal- og varamenn til tveggja ára)
Siðanefnd BÍ (aðal- og varamenn til eins árs)
Dómnefnd Blaðamannaverðlaunanna (aðal- og varamenn til eins árs)
Kjörnefnd (aðal- og varamenn til eins árs)
Samningaráð (aðal- og varamenn til eins árs)
Skoðunarmenn reikninga (aðal- og varamenn til eins árs)

Áhugasamir sendi póst á press@press.is. ATH. að framboð til formanns þurfa að berast í síðasta lagi tveimur vikum fyrir aðalfund eða fyrir miðnætti 7. apríl.

Félagar eru hvattir til að mæta!

Skráning á fjarfund