:::PRESS.IS:::

World Editors Forum, sem er hópur innan Alþjóðasamtaka blaðaútgefenda fundaði á svokölluðum yfirmannafundi ritstjórna (Newsroom Summit) í Hamborg á föstudag. Þar var sérstaklega verið að fjalla um þær breytingar sem ritstjórnir og fréttastofur standa frammi fyrir vegna örra tæknibreytinga og nýrra miðlunarmöguleika, sem og breyttrar notkunar fólks á fjölmiðlum. Larry Kilman hefur á bloggi sínu tekið saman  nokkur ummæli helstu forustumanna á þessu sviði sem féllu á fundinum. Ein ummælin eru frá Paul Lewis verkefnaritstjóra hjá Guardian í Bretlandi. Hann segir: „Aldrei fyrr höfum við haft aðgang að eins miklum upplýsingum og það hafa aldrei áður hafa möguleikarnir til að stunda blaðamennsku verið jafn ótakmarkaðir“.  Sjá meira hér

Undir yfirborðið: Núið og framtíð fjölmiðlunar“  er heiti á þáttaröð á Rás1 ríkisútvarpsins sem fjallar um fjölmiðla á Íslandi á 21. öldinni sem Elva Björk Sverrisdóttir sér um.  Um er að ræða fjóra þætti  og hefur tveimur þeirra þegar verið útvarpað. Fjallað er um fjölmiðla í víðu samhengi, „lagaumhverfi, blaðamenn og blaðamennsku, nýja tækni, lekasíður, eignarhald fjölmiðla og eftirmál hrunsins á miðlunum,“ eins og segir í kynningu á þáttunum.  Hér eru á ferðinni áhugaverðir þættir fyrir blaðamenn og áhugafólk um fjölmiðla og er hægt að nálgast þættina og yfirlit um umfjöllunarefni þeirra hér.

„Ákvæði um einkalífsvernd er að finna í öðrum lögum og er nægjilega vel gætt þar og það verður ekki þolað og varðar við stjórnarskrá íslenska lýðveldisins að embættismenn hafi aðstöðu tilþess samkvæmt íslenskum lögum að hafa yfir efni eða umfjöllun íslenskra fjölmiðla að segja.“  Þetta segir m.a. í umsögn formanns og varaformanns Blaðamannafélags Íslands um frumvarp um eignarhald á fjölmiðlum og er þarna verið að vísa í ákvæði sem miðar að því að bæta inn viðbótaráherslu í lögum á friðhelgi einkalífs.  Umsögnina má í heild finna hér.