Fréttir

Blaðamenn þurfa að geta verið spegill á samfélagið en líka að veita stjórnvöldum og atvinnulífi og hagsmunaaðilum í samfélaginu aðhald,” segir Kristrún Frostadóttir, formaður Samfylkingarinnar. Sigríður Dögg Auðunsdóttir, formaður BÍ, ræddi við hana í kjölfar þess að henni var afhent áskorun stjórnar félagsins til eflingar blaðamennsku og fjölmiðla.

Leiðtogi Sósíalista vill að blaðamenn geti sótt um starfslaun eins og þekkist í listageiranum, koma á fót styrkjakerfi þar sem almenningur styrkir tilteknar ritstjórnir og tryggja betur réttarstöðu blaðamanna

Sigmundur telur skattalækkanir heppilegri en beinir ríkisstyrkir til einkarekinna fjölmiðla og segir Miðflokkinn vilja að fólk geti ráðstafað greiðslum sínum sem hingað til hafa eingöngu runnið til Ríkisútvarpsins til annarra fjölmiðla.

Blaðamannafélag Íslands tekur í fyrsta sinn þátt í lýðræðisverkefninu #ÉgKýs fyrir Alþingiskosningarnar 2024. Verkefnið felst í að efla lýðræðisvitund og hvetja ungt fólk til að kjósa eftir upplýstri ákvörðun.

„Það er grundvallarþáttur í lýðræðislegu samfélagi að við eigum sterka og öfluga fjölmiðla sem geta veitt valdhöfum stórfyrirtækjum sérhagsmunaöflum virkt aðhald og upplýst almenning um það sem skiptir máli,“ segir Þórhildur Sunna Ævarsdóttir.

Blaðamennska er ekki aðeins samfélagslega mikilvæg, heldur lífsnauðsynleg fyrir lýðræðið, að sögn Svandísar Svavarsdóttur, formanns VG

Leggja á RÚV niður eða gjörbreyta rekstri þess, að sögn Arnars Þórs Jónssonar, formanns Lýðræðisflokksins. Sigríður Dögg Auðunsdóttir, formaður BÍ, ræddi við hann um mikilvægi blaðamennsku og fjölmiðla þegar honum var afhent áskorun félagsins til eflingar blaðamennsku og fjölmiðla. „Ef það væri niðurstaða almennings í landinu að halda áfram með nefskattinn sem rennur til Ríkisútvarpsins væri það lágmarkskrafa að almenningur fengi að ráða því hvert þessi skattur fer. Og við fengjum þá að ráða hvaða fjölmiðill fengi að njóta skattgreiðslnanna,“ segir Arnar.

Samfélagið þarf flóru af öflugum, óháðum fjölmiðlum. Styrkja þarf fjölmiðla og efla umhverfi þeirra þannig að þeir geti stundað öfluga blaðamennsku.

Formenn flokkanna segja blaðamennsku mikilvægari en nokkru sinni og lífsnauðsynlega lýðræðinu. Í dag birti BÍ samantekt á svörum formanna við fyrstu spurningunni, á morgun samantekt á svörum við annarri spurningunni og á næstu dögum verða viðtöl við formennina birt í heild sinni á vef félagsins, press.is, og á samfélagsmiðlum.

Endurmenntunar og háskólasjóður BÍ aðstoðar félagsfólk við að styrkja sig í sínu fagi.