Blaðamannaverðlaun: Tilnefningafrestur til 1. febrúar 2019

Verðlaunanefnd Blaðamannaverðlauna BÍ óskar eftir tilnefningum til verðlauna fyrir árið 2018, en verðlaunin verða veitt í 16. skipti í mars næstkomandi. Tilnefningar dómnefndar verða kynntar viku fyrir afhendingu en skilafrestur tilnefninga til dómnefndar er kl. 12 á hádegi föstudaginn  1. febrúar 2018.

Eins og síðustu ár verða verðlaunin veitt í fjórum flokkum:

• Besta umfjöllun ársins 2018
• Viðtal ársins 2018
• Rannsóknarblaðamennska ársins 2018
• Blaðamannaverðlaun ársins 2018

Hægt er að senda inn tilnefningar til verðlaunanna til skrifstofu Blaðamannafélagsins í Síðumúla  23 á auglýstum skrifstofutíma ásamt gögnum með röksemdafærslu fyrir tilnefningunni. Jafnframt verður hægt að senda tilnefningar inn rafrænt með hnappi hér á forsíðu vefsins (hægra megin við aðalmynd,) þar sem segir "Blaðamannaverðlaun ársins 2018".

Tilnefningar dómnefndar verða sem fyrr segir gerðar kunnar viku áður en verðlaunin sjálf verða afhent í byrjun mars..

Sjá reglugerð um Blaðamannaverðlaun B.Í.