:::PRESS.IS:::

Stjórn Blaðamannafélags Íslands hefur samþykkt ályktun þar sem skorað er á stjórnvöld að eyða réttaróvissu sem skapast hefur vegna úteltra prentlaga. Tilefnið er m.a. að nýlega þyngdi Hæstiréttur dóm yfir blaðamanni DV frá því sem verið hafði í héraðsdómi, en blaðamaðurinn var dæmdur ábyrgur fyrir ummælum sem hann hafði eftir viðmælanda. Málið er sama eðlis og "Vikumálið" sem svo hefur verið kallað, en því máli hefur verið skotið til Mannréttindadómstóls Evrópu. Einnig liggur fyrir að í drögum að nýju fjölmiðlafrumvarpi, sem búist er við að lagt verði fram á þingi á næstu dögum, er breytt þeim ákvæðum prentlaga, sem Hæstiréttur byggir á. Í frumvarpsdrögunum  er beinlínis  er beinlínis tekið undir gagnryni B.Í. og fleiri á brentlögin eins og sjá má hér.

Ályktun stjórnar B.Í. er svohljóðandi:

Stjórn Blaðamannafélags Íslands skorar á stjórnvöld að eyða réttaróvissu vegna úreltra prentlaga. Stjórnin vekur athygli á að Hæstiréttur Íslands hefur nýlega þyngt dóm yfir blaðamanni DV vegna ummæla sem höfð eru eftir viðmælanda í grein blaðsins. Fyrir liggur skýr vilji löggjafans í nýlegu frumvarpi um að samræma prentlög og útvarpslög að þessu leyti og tryggja að viðmælendur beri sinn hluta ábyrgðarinnar. Blaðamannafélagið hefur ásamt útgáfufélagi DV vísað slíku máli til Mannréttindadómstóls Evrópu.  Þaðhindrar tjáningarfrelsi og setur vinnubrögð blaðamanna í vandasömum málum í uppnám að hægt sé að gera blaðamennábyrga fyrir ummælum viðmælenda. Á því verður að ráða bót.