RÚV vann fjölmiðlamótið í fótbolta
Ríkisútvarpið bar sigurorð af liði Stöðvar 2 í úrslitaleik á Fjölmiðlamótinu í knattspyrnu 2009 sem haldið var um helgina. Leikurinn var æsispennandi og lauk ekki fyrr en eftir vítaspyrnukeppni og bráðabana og urðu úrslitin 7-6. Þetta er í fyrsta skipti sem RÚV vinnur mótið þrátt fyrir að hafa alltaf tekið þátt frá því mótið var fyrst haldið árið 1988. Lið Saga Film fékk bronsverðlaun eftir frækilegan sigur á liði Viðskiptablaðsins 5-3, en þetta er jafnframt besti árangur Viðskiptablaðsins í keppninni til þessa. (Sjá fleiri myndir hér)
Átta lið tóku þátt í keppninni að þessu sinni og var þeim skipt í tvo riðla. Liðin sem ekki komust upp úr
riðlunum í krossspil voru lið Fréttablaðsins, Morgunblaðsins, DV og Fótbolta.net. Í undanúrslitum vann lið Stöðvar 2
Viðskiptablaðið 2-0 og RÚV vann Saga Film einnig 2-0. Í úrslitaleiknum var markalaust eftir venjulegan leiktíma og var þá farið beint
í vítaspyrnukeppni. Eftir fimm spyrnur var enn jafnt 4-4 og var þá gripið til bráðabana, sem lauk þegar Stöð 2 mistókst að
skora í sjöundu spyrnu sinni.
Þetta er í 21. skipti sem Fjölmiðlamótið í knattspyrnu er haldið, en það hefur verið haldið árlega frá árinu 1988
eins og áður sagði, að undanskildu hrunárinu 2008. Morgunblaðið, DV og Stöð 2 hafa oftast skipst á um að vinna mótið.
Ljósmynd: Kristján Orri Jóhannsson
