Minnkandi traust til fjölmiðla
Traust almennings á Íslandi til fjölmiðla hefur minnkað um 8 prósentustig frá því í desember síðastliðinn. Í
nýrri könnun MMR (Markaðs-og miðlarannsókna) kemur í ljós að aðeins 15% landsmanna bera mikið traust til fjölmiðla, en 23% svarenda
báru mikið traust til fjölmiðla í desember 2008. Um er að ræða sambland af net- og símakönnun sem gerð var 7-14. maí og byggja
niðurstöðurnar á svörum 845 manns á aldrinum 18-67 ára.
Sem fyrr er það Fréttastofa Ríkisútvarpsins sem kemur best út úr þessari könnum og nýtur mests trausts meðal almennings. Um 70% aðspurðra segjast bera mikið traust til fréttastofu RÚV, og er það nærri tvöfalt fleiri en segjast bera mikið traust til fréttastofu Stöðvar 2.
Morgunblaðið nýtur mests trausts dagblaða. Rösklega 50% segjast bera mikið traust til blaðsins, sem eru 17,4 prósentustigum fleiri en segjast bera mikið traust til Fréttablaðsins. Mbl.is nýtur mests trausts netmiðla. Ríflega 54% segjast bera mikið traust til hans sem er um tvöfalt fleiri en þeir sem segjast bera mikið traust til visis.is.
