B.Í. harmar fjöldauppsagnir
Stjórn Blaðamannafélags Íslands kom saman til fundar í kvöld til að ræða viðburði dagsins hjá Morgunblaðinu. Í ályktun sem stjórnin sendi frá sér eftir fundinnn eru fjöldauppsagnir á blaðinu harmaðar og bent á að verið sé að segja upp blaðamönnum með áratugareynslu í nafni hagræðingar en á sama tíma sé ritstjórum fjölgað úr einum í tvo. Þá lýsir stjórn B.Í. yfiri þungum áhyggjum af stöðu fjölmiðla í landinu enda hafi hundruð blaðamanna misst vinnuna á síðustu vikum og mánuðum.
Ályktun stjórnar B.Í. er annars svohljóðandi:
Reykjavík 24. september 2009.
Ályktun stjórnar Blaðamannafélags Íslands
Blaðamannafélag Íslands harmar fjöldauppsagnir á Morgunblaðinu.
Þeir sem lengst hafa unnið hjá blaðinu og sagt var upp störfum í dag hafa verið þar í um fjörutíu ár. Á sama tíma og
ritstjórum blaðsins er fjölgað í tvo er gífurlegri reynslu og þekkingu nærri tuttugu blaðamanna kastað á glæ í nafni
hagræðingar.
Blaðamannafélagið telur þá ákvörðun eigenda blaðsins að ráða umdeildan stjórnmálamann sem ritstjóra
Morgunblaðsins rýra trúverðugleika blaðsins. Afskipti Davíðs Oddssonar af stjórnmálum og störf hans sem Seðlabankastjóri tengja hann
efnahagshruninu síðasta haust með slíkum hætti að blaðamenn geta ekki við unað. Blaðamannafélagið óttast um starfsöryggi og
starfsskilyrði þeirra félagsmanna sem enn starfa hjá blaðinu.
Blaðamannafélagið lýsir jafnframt þungum áhyggjum af stöðu fjölmiðla á Íslandi, enda hefur um hundrað blaðamönnum
verið sagt upp störfum síðustu misseri. Þá hefur harkalegur niðurskurður á ritstjórnum þrengt mjög að faglegri og frjálsri
blaðamennsku. Þetta er sérstaklega hættulegt nú þegar aldrei hefur riðið jafn mikið á og nú að standa vörð um
lýðræði hér á landi.
Stjórn Blaðamannafélags Íslands
